MWNAFUNZI ALAWITIWA NA MWALIMU MKUU HUKO MBEYA

MWANAFUNZI mmoja (Jina limehifadhiwa umri wake ni 16) wa Darasa la Saba katika  Shule ya Msingi Mkombozi iliyopo katika mji mdogo Mbalizi Wilaya ya Mbeya Mkoani hapa ameshindwa kuendelea na masomo tangu shule zifunguliwe akiogopa kuzomewa na wenzie baada ya kuhisiwa kulawitiwa na Mwalimu Mkuu wake.

Hatua ya mwanafunzi huyo kushindwa kufika shuleni kuungana na wenzie kumetokana na madai ya kuzagaa kwa tuhuma za Mkuu wake wa shule kumwingilia kimwili mwanafunzi huyo mwenye jinsia ya kiume wakati wa masomo ya jioni(Twisheni).

Hii ndiyo ofisi ya mwalimu mkuu huyo ambayo ilikuwa inatumika kwa matendo machafu ya mwalimu huyo

Kamanda wa Polisi Mkoa wa Mbeya, Ahmed Msangi alipoulizwa kuhusiana na tukio hilo alisema atalifanyia kazi kutokana na kutokuwa Ofisini kwa wakati huo na kulitolea ufafanuzi unaotakiwa.

Ofisini kwa Mkurugenzi wa Halmashauri ya wilaya Mbeya

 Afisa Elimu Msingi wa Wilaya ya Mbeya, Dionice Boay alipoulizwa kuhusiana na tuhuma za Mwalimu wake alikiri kuzipata na kuongeza kuwa kutokana na Mwalimu huyo kufikishwa katika vyombo vya Sheria wao kama Ofisi hawana cha kufanya zaidi ya kusubiri Ripoti ya Polisi ambapo Mwalimu atachukuliwa hatua kwa mujibu wa taratibu za utumishi wa umma.

Akizungumza na waandishi wa habari Mwanafunzi huyo alisema Mwalimu wake huyo ambaye alimtaja kwa jina  la Lusekelo Thom, kuwa anatabia ya kumbakiza yeye peke yake baada ya muda wa masomo ya jioni kuisha na ndipo huenda naye ofisini na kuanza kumvua nguo.

Alisema tatizo hilo limedumu kwa kipindi kirefu tangu Aprili Mwaka jana hadi Disemba 27, mwaka jana baada ya bibi anayemlea kugundua (jina limehifadhiwa kwa ajili ya upelelezi) katika mahojiano kutokana na mwanafunzi huyo kuchelewa kurudi nyumbani kila siku tofauti na wengine.

Kwa mujibu wa majirani wa Mwanafunzi huyo walisema kugundulika kwa maovu anayofanyiwa na mwalimu wake kulitokana na upotevu wa fedha shilingi 20,000 na ndipo bibi huyo alipomuona mjukuu wake akiwa na mkebe mpya na ndipo alipomuuliza kuhusu fedha zake ambapo Mwanafunzi huyo alikataa kabisa.

Walisema baada ya kubanwa zaidi alidai fedha za kununulia mkebe alipewa na Mwalimu wake na amekuwa na kawaida ya kumpa fedha mwanafunzi huyo kila siku ikiwa ni pamoja na kumwambia asilipe ada ya masomo ya jioni kwa madai kuwa atakuwa anamlipia.

Alipobanwa zaidi mwanafunzi huyo alidai kuwa baada ya kupewa fedha na mwalimu huyo huenda naye ofisini na kufunga mlango kisha huvua nguo zake na kumwamuru naye avue na kumlazimisha ashike nyeti za mwalimu wake huku mwalimu naye akimshika shika na huo mchezo ulikuwa ukifanyika kila siku na baada ya hapo mwalimu alikuwa akimrudisha mwanafunzi kwa bibi yake majira ya saa mbili usiku.

Mashuhuda wa tukio hilo na baadhi ya walinzi wa shule hiyo walikiri kuwepo kwa tuhuma za udharirishaji wa Mwalimu huyo kwa Mwanafunzi kwa madai kuwa kila siku Mwalimu huyo kujifungia ofisini na mwanafunzi ikiwa ni pamoja na kuongozana naye kila mara.

Aidha baadhi ya ndugu walisema baada ya kubaini hali hiyo walienda kutoa taarifa katika kituo kidogo cha Polisi cha Mbalizi ambapo Jeshi la Polisi lilimkamata Mwalimu huyo Januari 4, Mwaka huu na kufanya naye mahojiano kisha kumpeleka mwanafunzi huyo Hospitalini kwa ajili ya vipimo.

Hata hivyo Mwalimu huyo alipohojiwa kuhusiana na tukio hilo alikataa kuhusika huku majibu ya vipimo vya Hospitali vikionesha kutokuingiliwa kimwili kwa mwanafunzi ingawa Maelezo ya mtoto alidai kuchezewa nyeti zake kila siku na kwamba suala la kuingiliwa kimwili alikuwa akilazimishwa lakini hakuweza kufanikiwa.

Mwalimu huyo aliachiwa na jeshi la Polisi katika kituo kidogo cha Mbalizi alipokuwa ameshikiliwa kwa ajili ya mahojiano baada ya kuwekewa dhamana na Mratibu wa Elimu kata ya Utengule Usongwe, Fredrick Silumbwe, na kwamba upelelezi bado unaendelea ili kubaini kama kweli mwalimu huyo anafanya vitendo hivyo huku kukiwa na taarifa kuwa Mwalimu huyo baada ya tukio hilo alisafiri na kuelekea Kibaha Mkoani Pwani ambako yuko hadi sasa.

Kwa upande wake Mratibu Elimu kata alipoulizwa kuhusiana na tuhuma dhidi ya mwalimu wake alisema hata yeye amekuwa anazisikia mitaani na kuhusu kuweka dhamana alikiri kwa madai kuwa alipigiwa na baadhi ya walimu na ndipo alipofanya hivyo kutokana na dhamana ni haki ya kila mtu.

Naye Afisa Elimu Msingi wa Wilaya ya Mbeya, Dionice Boay alipoulizwa kuhusiana na tuhuma za Mwalimu wake alikiri kuzipata na kuongeza kuwa kutokana na Mwalimu huyo kufikishwa katika vyombo vya Sheria wao kama Ofisi hawana cha kufanya zaidi ya kusubiri Ripoti ya Polisi ambapo Mwalimu atachukuliwa hatua kwa mujibu wa taratibu za utumishi wa umma.

Alisema kama ofisi hatua ya kwanza ni kumsimamisha kazi na kuteua Mwalimu mwingine kukaimu Ukuu wa Shule ya Msingi Mkombozi wakati ofisi ikisubiri taratibu za Kimahakama kutokana na tatizo hilo kuegemea kwenye makosa ya jinai.

Aliongeza kuwa Ofisi pia inatarajia kufanya ukaguzi katika shule hiyo ili kubaini kama Mwalimu alikuwa na makosa mengine na kujua sababu ya Mwanafunzi kutoenda shule hadi sasa licha ya wenzie kuendelea na masomo.

Hata hivyo Kituo cha Haki za Binadamu kilionesha mshangao kutokana na mtuhumiwa wa tukio hilo kuachiwa kwa dhamana ili hali upelelezi haujakamilika na hakuna hatua zozote ambazo Jeshi la Polisi linaonesha kulifanyia kazi ambapo mtuhumiwa alifikishwa Polisi Januari 4, Mwaka huu.

Mwenyekiti wa Kituo cha Haki za Binadamu Mkoa wa Mbeya, Said Madudu alisema Jeshi la Polisi limechukulia suala hili kama ni siasa kwa kuchelewa kuchukua hatua kwa wakati huku mtoto akiendelea kukosa haki yake ya msingi ya masomo.

Aidha Kamanda wa Polisi Mkoa wa Mbeya, Ahmed Msangi alipoulizwa kuhusiana na tukio hilo alisema atalifanyia kazi kutokana na kutokuwa Ofisini kwa wakati huo na kulitolea ufafanuzi unaotakiwa.

Hata hivyo uchunguzi uliofanywa umebaini kuwepo kwa rushwa zinazopelekea upelelezi wa kesi hiyo kuchelewa kutokana na kuwepo kwa taarifa za Mtuhumiwa kutoa fedha shilingi Milioni Tatu ambazo bado haijulikani mgao wake uliwagusa akina nani.

CREDIT: MBEYA YETU

BOFYA HAPA KUSOMA ZAIDI HABARI HII

WAZIRI MEMBE APIGIA CHAPUO URAIA WA NCHI MBILI

Waziri wa Mambo ya Nchi za Nje na Ushirikiano wa Kimataifa, Benard Membe amewaomba wabunge, wasomi na Watanzania wawasaidie Bunge la Katiba ili liweze kupitisha hoja ya Watanzania kuwa na uraia wa nchi mbili ili uchumi wa nchi uweze kukua.

Wito huo ulitolewa jijini Dar es Salaam jana kwenye ufunguzi wa semina ya majadiliano ya Watanzania wanaoishi nchi za nje (Diaspora) na Shirika la Kimataifa la Uhamiaji (IOM) kwa lengo la kukuza uchumi wa nchi.

“Kuna wasomi wengi wenye utalaamu wapo nchi za nje wanafanya kazi ila wanashindwa kusaidia nchi zao kwa kuwa hawana uraia wa nchi zao,” alisema Membe.

Alisema kumruhusu Mtanzania kuwa na uraia wa nchi mbili siyo kuhatarisha usalama wa nchi. “Anayeweza kuhatarisha usalama wa nchi ni sisi viongozi. Sisi hatutetei hii hoja ya kuwa na uraia wa nchi mbili ila lazima ufike wakati tuamue kufanya hivi sio uhaini” alisema.

Alisema nchi nyingine ambazo raia wao wana uraia wa nchi mbili wamekuwa wakichangia uchumi wa nchi hizo kwa asilimia kubwa tofauti na nchi yetu.

Alitoa mfano wa nchi ya Ghana kuwa raia wake wenye uraia wa nchi mbili wamekuwa wakichangia uchumi wa nchi hiyo kila mwaka.
“Ghana wanachangia bilioni 2.1, Nigeria milioni 3.1, Kenya bilioni 1.6 ambazo ni dola za Marekani” alisema.

Alisema kwa Tanzania fedha zinazochangiwa na raia wake waliopo nje hazifiki hata 100,000 za Marekani, hali inayozorotesha uchumi wa nchi.
Upande wake, Msaidizi wa Waziri Mkuu Kitengo cha Uchumi na Uwekezaji, Suzani Mzee alisema Tanzania inaelekea kwenye uraia wa nchi mbili ambao utasaidia kuchangia maendeleo ya nchi.

“Mtanzania anayeishi nchi za nje anatoa misaada kwa kificho kwa kuwa hana uraia wa nchi yake ana uraia wa nchi anayoishi ifike wakati serikali ituunge mkono ili tuweze kuisaidia nchi yetu pasipo kificho,”alisema

CHANZO: NIPASHE

BOFYA HAPA KUSOMA ZAIDI HABARI HII

KIGOGO CCM MKOANI MBEYA AMFANYIA UNYAMA MTOTO MDOGO

SIKU zote tumezoea kuona baadhi ya wanasiasa na viongozi wakiwa mstari wa mbele kupinga ukatili, unyanyasaji wa kijinsia na hata kupinga ajira kwa watoto walio chini ya umri wa miaka 18.

Hali hiyo imekuwa ni tofauti kwa Kigogo mmoja wa Chama Tawala CCM wilayani Mbarali mkoani Mbeya ambaye mbali na kumtumikisha mtoto aliyechini ya miaka 18 bali pia amemfanyia unyama na ukatili uliopitiliza kwa kummwagia maji ya moto kwa kile kinachodaiwa kuwa mtoto huyo anakula sana.

Kigogo huyo ambaye ni Mwenyekiti wa CCM Kitongoji cha Mahango kijiji cha Mageya kata ya Rujewa wilayani Mbarali aliyefahamika kwa jina la Ziada Bakari Mwihesi anadaiwa kummwagia maji ya moto mtoto Agustino Sanga(12) ambaye alikuwa akimtumikisha kwa kufanya kazi za  kuchunga mifugo yake kuanzia alfajiri hadi usiku bila kumpatia chakula cha uhakika.

Mtoto Agustino ambaye ni yatima anayelelewa na bibi yake baada ya kufiwa na wazazi wake huko wilayani Makete mkoani Njombe alianza kuishi na Mwenyekiti huyo wa chama mwaka 2011 akitokea wilayani Makete mkoani Njombe ambapo Bibi yake kutokana na kutokuwa na uwezo alimkabidhi mama huyo ili aishi naye huku akimsaidia kazi za kuchunga mifugo yake.

 

Akizungumza mkasa huo mbele ya mwandishi wa habari hizi aliyefika kijijini hapo  kufuatilia taarifa za unyanyasaji dhidi yake, mtoto huyo alisema kuwa aliletwa nyumbani kwa mama huyo mwaka 2011 na Bibi yake akitokea Wilayani Makete Mkoani Njombe ili aweze kufanya kazi ya kuchunga ng’ombe kwa mwenyekiti huyo.

Alisema kuwa tukio la kuunguzwa moto lilimtokea mwezi Juni 2013 shambani kwa Mwenyekiti huyo eneo la Jangulutu majira ya usiku ambapo Mwenyekiti huyo alianza kumsimanga kwa madai kuwa amekuwa akila chakula kupita kiasi na  kusababisha watoto wake kutoshiba.

Mtoto Agustino aliendelea kusema kuwa, mama huyo aliendelea kumsimanga na ghafla alichukua maji yaliyoinjikwa jikoni yakiwa yamechemka kwa ajili ya kupika ubwabwa  usiku huo na kummwagia kifuani na baadaye kumfungia ndani huku akilia kwa uchungu.

“Nilipata uchungu mkubwa, nililia sana sikuwa na msaada wowote usiku ule mama Yule alinifungia ndani, sikupata matibabu yoyote,’’aliongea kwa uchungu mtoto Agustino.

Agustino aliendelea kufafanua mkasa huo kwa kusema kuwa  akiwa amefungiwa ndani mama huyo alikuwa akisaga  mifupa ya ng’ombe na kumpaka katika jeraha la kidonda alichounguzwa na kwamba kila alipokuwa akimpaka ndipo kidonda kilipozidi kutoa usaha.

Alisema akiwa ndani Bibi yake alianza kumtafuta ndipo siku hiyo alipofika nyumbani kwa Mwenyekiti huyo na kumuuliza alipo ambapo alimweleza kuwa mjukuu wake aliungua moto alipokuwa akicheza karibu na moto.

Agustino aliendelea kubainisha kuwa tangu alipofika nyumbani kwa Mwenyekiti huyo mwaka 2011 hajawahi kupumzika na kwamba amekuwa akitumikishwa kama Punda kuanzia alfajiri hadi usiku huku akipewa chakula kidogo.

Kwa upande wake Babu wa Mtoto huyo Method Ndelwa(55) Mkazi wa Kitongoji cha Mahango alisema mtoto huyo baada ya kufika nyumbani hapo alikuja mume wa Mwenyekiti aitwaye Seleleka Twasanga na kumuomba mtoto huyo awe anamchungia ng’ombe na mbuzi shambani kwake.

Alisema tangu mjukuu wake  alipoungua mwaka 2013 mwezi wa 6  hakuna msaada wowote ambao unatolewa na familia ya Mwenyekiti na kwamba ameendelea kuugulia na majereha yake bila kupatiwa matibabu ya uhakika.

“Mimi na Bibi wa wa mtoto huyu hatuna hali zetu ni duni  kipato chetu ni kidogo kama mnavyoona kidonda cha mtoto kinatoa usaha na hapo mwanzo kilikuwa kinatoa funza, mama mmoja Rukia Shomari alitusaidia kumnunulia dawa,’’alisema Babu wa mtoto huyo.

Alisema kuwa hakuwa anajua utaratibu wowote wa kutoa taarifa hizo kwenye vyombo vya sheria ikiwemo Polisi na kwamba tangu alipounguzwa moto walikuwa wakimuangalia tu mtoto huyo huku wakishindwa kujua  hatima yake.

“Tunaomba mtusaidie kulifikisha hili ili jamii ijue kama mna uwezo wa kumsaidia mtoto huyu tunaomba msaada wenu kumuokoa mtoto huyu’’,alisema Mzee Ndelwa.

Kwa upande wake Mwenyekiti wa Kitongoji cha Mahango ambaye ndiye anayedaiwa kufanya unyama huo,Ziada Mwihesi alikana kumchoma moto mtoto huyo na kudai kuwa siku ya tukio alipigiwa simu na mume wake aliyemtambulisha kwa jina la Seleleka kuwa mtoto Agustino ameungua moto  ndipo alipoondoka na kwenda shambani na kumkuta mtoto huyo akiwa ameungua kifuani.

Hata hivyo  Mwenyekiti huyo anadai kuwa  chanzo cha mtoto huyo kuungua ni kutokana na kuota moto asubuhi  wakati akipasha kiporo cha wali katika jiko la kuni na kusema kuwa mtoto huyo alishaungua moto akiwa  kwa bibi yake na kudai kuwa hapo amekuja kuungua kwa mara ya pili.

Pamoja na kufanya unyama huo Mwenyekiti huyo alionekana kutohitaji kutoa ushirikiano kwa mwandishi wa habari hizi kwa kutoa majibu ya mkato wakati alipokuwa akiendelea kuulizwa maswali  juu ya kuchomwa moto kwa mtoto huyo ambapo pia alikanusha kummwagia maji ya moto mtoto huyo kwa madai ya kumaliza chakula.

Naye  Mume wa Mama huyo Seleleka Twasanga alikiri kuungua kwa mtoto huyo na kudai kuwa yeye alipata taarifa baada ya kupigiwa simu na jirani yake ambaye wapo jirani shambani  kwamba Mtoto Agustino ameungua moto ndipo alipoondoka na kwenda shambani ili kujua chanzo cha tukio hilo.

Bw.Twasanga alisema wakati anamchukua mtoto huyo kwa Bibi yake walifanya kama kubadilishana na Bibi huyo ambaye alihitaji kila mwaka alimiwe shamba la heka mbili kwa ng’ombe wakati mtoto Agustino akifanya kazi ya kulima na kuchunga Ng’ombe na mbuzi shambani kwa Twasanga.

Akielezea zaidi mume wa mama huyo alisema aliendelea kumlimia shamba bibi wa mtoto Agustino na kukiri kutomlipa chochote zaidi ya bibi huyo kulimiwa shamba.

Chama Cha Waandishi wa Habari wanawake TAMWA kimekuwa katika harakati za kupinga ukatili wa kijinsia ikiwemo unyanyasaji wa wanawake na Watoto.

Mkurugenzi wa TAMWA Valerie Msokwa kupitia jarida lake linalotolewa na taasisi hiyo alisema kitendo hicho ni ukiukwaji wa sheria ya Kimataifa ya haki ya mtoto ya mwaka 2009 iliyowekwa katika tamko la Umoja wa Mataifa la Haki za Mtoto linalotoa mwongozo wa kulinda na kutambua haki za mtoto nchini.

Alisema watoto wanakabiliwa na changamoto nyingi hivyo wanapaswa kulindwa dhidi ya vitendo vya unyanyasaji na udhalilishaji wanaofanyiwa watoto katika maeneo mengi ya mijini na vijijini.

Naye Diwani wa Kata y Rujewa Bi.Gurzar Sabil alipotakiwa kuzungumzia tukio hilo la kinyama la mwenyekiti huyo alisema kuwa  hana taarifa hiyo lakini aliahidi kuwasiliana na Ofisa Ustawi wa jamii wilaya ya Mbarali ili waweze kwenda nyumbani kwa mtoto waweze kumsaidia ikiwa ni pamoja na kumkamata mtuhumiwa.

Mara baada ya Mwandishi wa habari hizii kuondoka wilayani humo Ofisa Ustawi wa Jamii wilaya ya Mbarali Winifrida Mahali akiambatana na Mratibu wa Dawati la Jinsia wilayani humo Christa Komba walifika nyumbani kwa Mwenyekiti huyo na kumchukua hadi kituo cha Polisi.

Bi Mahali alisema kuwa walimfuata mtuhumiwa pamoja na mumewe na kuwapeleka kituo cha polisi ambako walilala hadi asubuhi  na kufikishwa katika mahakama ya wilaya ya Mbarali ambako wamesomewa mashtaka ya kujeruhi na wamerudishwa rumande baada ya kukosa dhamana hadi Januari 29.

BOFYA HAPA KUSOMA ZAIDI HABARI HII

BARAZA JIPYA LA MAWAZIRI HILI HAPA

THE UNITED REPUBLIC OF TANZANIA

Telephone: 255-22-2114512, 2116898
E-mail: ikulumawasiliano@yahoo.com
press@ikulu.go.tz
Fax: 255-22-2113425
PRESIDENT’S OFFICE,
THE STATE HOUSE,
DIRECTORATE OF PRESIDENTIAL
COMMUNICATIONS,
P.O. BOX 9120,
DAR ES SALAAM.
Tanzania.

TAARIFA KWA VYOMBO VYA HABARI
UHAMISHO NA UTEUZI WA MAWAZIRI NA NAIBU MAWAZIRI______________________________________
 

Rais wa Jamhuri ya Muungano wa Tanzania, Mheshimiwa Jakaya Mrisho Kikwete,
amewahamisha na kuwateua baadhi ya Mawaziri na Naibu Mawaziri kama ifuatavyo:-
 
1.0 OFISI YA RAIS
Hakuna mabadiliko.
2.0 OFISI YA MAKAMU WA RAIS
2.1 Waziri wa Nchi (Muungano) - Hakuna mabadiliko
2.2 Mhe. Eng. Dr. Binilith Satano MAHENGE (Mb)
Waziri wa Nchi (Mazingira).
2.3 Mhe. Ummy Ali MWALIMU (Mb)
Naibu Waziri
3.0 OFISI YA WAZIRI MKUU
Hakuna mabadiliko
4.0 WIZARA
4.1 WIZARA YA FEDHA
4.1.1 Mhe. Saada Mkuya SALUM (Mb)
Waziri wa Fedha
Mhe. Mwigulu Lameck NCHEMBA (Mb)
Naibu Waziri wa Fedha
4.1.2 Mhe. Adam Kighoma Ali MALIMA (Mb)
Naibu Waziri wa Fedha
4.2 WIZARA YA MAMBO YA NJE NA USHIRIKIANO WA KIMATAIFA
Hakuna mabadiliko
4.3 WIZARA YA KATIBA NA SHERIA
4.3.1 Mhe. Dkt. Asha-Rose Mtengeti MIGIRO (Mb)
Waziri wa Katiba na Sheria
4.3.2 Naibu Waziri - Hakuna mabadiliko
4.4 WIZARA YA USHIRIKIANO WA AFRIKA MASHARIKI
Hakuna mabadiliko
4.5 WIZARA YA VIWANDA NA BIASHARA
4.5.1 Waziri - Hakuna mabadiliko
4.5.2 Mhe. Janet Zebedayo MBENE (Mb)
Naibu Waziri wa Viwanda na Biashara
4.6 WIZARA YA ULINZI NA JESHI LA KUJENGA TAIFA
Mhe. Dkt. Hussein Ali Mwinyi (Mb)
Waziri wa Ulinzi na Jeshi la Kujenga Taifa
4.7 WIZARA YA UJENZI
Hakuna mabadiliko
4.8 WIZARA YA MAMBO YA NDANI YA NCHI
4.8.1 Mhe. Mathias Meinrad CHIKAWE (Mb)
Waziri wa Mambo ya Ndani
4.8.2 Naibu Waziri - Hakuna Mabadiliko
2
4.9 WIZARA YA AFYA NA USTAWI WA JAMII
4.9.1 Mhe. Dkt. Seif Seleman RASHIDI (Mb)
Waziri wa Afya na Ustawi wa Jamii
4.9.2 Mhe. Dkt. Kebwe Stephen KEBWE (Mb)
Naibu Waziri wa Afya na Ustawi wa Jamii
4.10 WIZARA YA ELIMU NA MAFUNZO YA UFUNDI
4.10.1 Waziri: Hakuna mabadiliko
4.10.2 Mhe. Jenista Joakim MHAGAMA (Mb)
Naibu Waziri wa Elimu na Mafunzo ya Ufundi
14.11 WIZARA YA MAENDELEO YA JAMII, JINSIA NA WATOTO
14.11.1 Waziri: Hakuna mabadiliko
14. 11.2 Mhe. Dkt. Pindi Hazara CHANA (Mb)
Naibu Waziri wa Maendeleo ya Jamii, Jinsia na Watoto
14.12 WIZARA YA MAENDELEO YA MIFUGO NA UVUVI
14.12.1 Mhe. Dkt. Titus Mlengeya Dismas KAMANI (Mb)
Waziri wa Maendeleo ya Mifugo na Uvuvi
14.12.2 Mhe. Kaika Saning’o TELELE (Mb)
Naibu Waziri wa Maendeleo ya Mifugo na Uvuvi
14.13 WIZARA YA KAZI NA AJIRA
Hakuna mabadiliko
14.14 WIZARA YA MAWASILIANO, SAYANSI NA TEKNOLOJIA
Hakuna mabadiliko
14.15 WIZARA YA ARDHI, NYUMBA NA MAENDELEO YA MAKAZI
14.15.1 Waziri - Hakuna mabadiliko
14.15.2 Mhe. George Boniface Taguluvala SIMBACHAWENE (Mb)
Naibu Waziri wa Ardhi, Nyumba na Maendeleo ya Makazi
14.16 WIZARA YA MAJI
14.16.1 Waziri - Hakuna mabadiliko
3
14.16.2 Mhe. Amos Gabriel MAKALLA (Mb)
Naibu Waziri wa Maji
14.17 WIZARA YA KILIMO, CHAKULA NA USHIRIKA
14.17.1 Waziri - Hakuna mabadiliko
14.17.2 Mhe. Godfrey Weston ZAMBI (Mb)
Naibu Waziri wa Kilimo, Chakula na Ushirika
4.18 WIZARA YA UCHUKUZI
Hakuna mabadiliko
4.19 WIZARA YA HABARI, VIJANA, UTAMADUNI NA MICHEZO
4.19.1 Waziri - Hakuna mabadiliko
4.19.2 Mhe. Juma Selemani NKAMIA (Mb)
Naibu Waziri wa Habari, Vijana, Utamaduni na Michezo
4.20 WIZARA YA MALIASILI NA UTALII
4.20.1 Mhe. Lazaro Samuel NYALANDU (Mb)
Waziri wa Maliasili na Utalii
4.20.2 Mhe. Mahmoud Hassan MGIMWA (Mb)
Naibu Waziri wa Maliasili na Utalii
4.21 WIZARA YA NISHATI NA MADINI
4.21.1 Waziri - Hakuna mabadiliko
4.21.2 Naibu Waziri (Madini) - Hakuna mabadiliko
4.21.3 Mhe. Charles Muhangwa KITWANGA (Mb)
Naibu Waziri (Nishati)
Balozi Ombeni Y. Sefue
KATIBU MKUU KIONGOZI
Ikulu
4DAR ES SALAAM
19 Januari, 2014

BOFYA HAPA KUSOMA ZAIDI HABARI HII

DIAMOND AMNUNULIA WEMA SEPETU JUMBA LA MIL 125.ASEMA"NIPO TAYARI KUFANYA CHOCHOTE ILI WEMA ATULIE"

STAA wa Bongo Fleva mwenye mbwembwe kibao, pia anasifika kwa kuwa msafi na anasemekana ndiye mwenye mkwanja wa nguvu Bongo, Nasibu Abdul ‘Diamond’ anadaiwa yuko kwenye mchakato wa kumnunulia jumba la kifahari mpenzi wake wa ‘nenda rudi’, Wema Sepetu, Amani limeinyaka hii. 
 
KUNA SABABU?
Kwa mujibu wa chanzo, Diamond ameamua kuingia kwenye kujikamua huko kufuatia taarifa kwamba, mmiliki wa nyumba anayoishi Wema kwa sasa (jina lipo), Kijitonyama, Dar es Salaam amemwamuru mlimbwende huyo kuhama kwenye mjengo wake mara baada ya kumaliza mkataba mwezi Juni, mwaka huu. Awali mjengo huo aliutangaza ni wake.
HEBU SIKIA
“Mwenye nyumba anayoishi Wema kwa sasa amekataa mrembo huyo kuendelea kuishi pale, akimaliza mkataba wake Juni, mwaka huu basi, hataki tena.
“Sasa Diamond aliposikia hilo akamwambia Wema isiwe tabu, akamuahidi kumnunulia nyumba ya kifahari yenye thamani ya shilingi milioni mia moja na ishirini na tano.
“Nadhani hiyo nyumba ipo tayari, ndiyo maana amemtajia na bei. Lakini ninavyojua mimi ipo Mwananyamala,” kilisema chanzo.
KUHUSU NYUMBA YA SASA
Kuhusu nyumba ya sasa, ni kweli ‘kifo cha nyani miti yote huteleza’ kwani Wema anatakiwa kutoendelea na mkataba mpya ikiwa ni siku chache tu baada ya Mahakama ya Ilala, Dar es Salaam kuamuru anyang’anywe lile gari lake la kifahari aina ya Audi Q7 lenye usajili wa T 973 BUJ na kukabidhiwa mmiliki wake halali, Shadrack Tweve.
Wema alipewa gari hilo na mwanaume anayedaiwa ni mpenzi wake anayejulikana kwa jina la Clement ambaye alilikopa kwa mmiliki huyo lakini alikuwa akikwepa kulipa deni la shilingi milioni 90.
Akizungumza na mwandishi wetu katika mahojiano maalum yaliyofanyika hivi karibuni jijini Dar, mmoja wa ‘kruu’ ya Wema ambaye hakutaka jina lake lionekane gazetini alisema kwa sasa Wema yuko katika kipindi kigumu baada ya kumwagana na kigogo huyo aliyekuwa akidaiwa kumpa jeuri na kufuatia kuamriwa kuhama kwenye nyumba hiyo.
Chanzo chetu kikazidi kumwaga data kuwa mbali na Wema kuachana na Clement, bado mrembo huyo amekuwa katika kipindi kibaya zaidi baada ya kunyang’anywa gari hilo ambalo ndilo alilokuwa akilitumia.
MKATABA WA NYUMBA ULIVYOKUWA
Mpashaji wetu aliendelea kujuza kuwa mmiliki wa nyumba anayoishi Wema ameamua kusitisha mkataba wa kumuongezea Wema muda wa kuendelea kuishi hapo baada ya kusikia madai ya msanii huyo akitamba kwenye magazeti kuwa mjengo huo ni mali yake na aliununua kwa shilingi milioni 400.
“Mkataba wa awali unaisha Juni, mwaka huu, hivyo hataweza kuendelea kuishi hapo lakini pia hana pesa za kuweza kulipa gharama ya nyumba kama ile, kwa sasa hana jeuri tena,” kilisema chanzo hicho.
Kikaongeza: “Unajua mara baada ya Wema kuingia kwenye nyumba ile na magazeti kuandika kwamba ameinunua, mmiliki wake alimfuata Clement kwa sababu ndiye aliyeingia naye mkataba.
“Akamuuliza inakuaje Wema anatangaza nyumba ni yake? Clement akampoza mwenye nyumba kwa kumwambia kwamba, asiwe na wasiwasi, Wema ni staa, mastaa wa Bongo wanapenda kujisifu, yeye adili na yeye aliyeingia naye mkataba.”
AANZA KUSAKA CHUMBA KIMOJA:
Habari zinadai kuwa mtazamo wa Wema (kama nyumba ya kununuliwa na Diamond itachelewa) ni kutafuta chumba kimoja na kupanga ili maisha yaendelee.
MAMA WEMA ASHAURIWA JAMBO:
Wadau hawakuishia hapo, walifika mbali zaidi kwa kumshauri mama mzazi wa staa huyo, Bi. Mariam Sepetu amchukue Wema na kuishi naye nyumbani kwake, Sinza-Mori, Dar ili kuficha aibu hiyo nzito na kubwa ya binti yake.
“Hata kama kuna tofauti baina yao, namshauri mama Wema amchukue mwanaye waishi pamoja, hii ni aibu ya familia kwa jumla,” alisema mdau mmoja kwa sharti la kutotajwa jina lake.
DIAMOND SASA:
Amani lilimsaka Diamond ili kuzungumza kuhusu madai ya kumnunulia Wema nyumba ambapo alisema:
“Mimi sipendi Wema apate tabu, naweza kumgharamia chochote kile ilimradi atulie tu.”
WEMA ATAFUTWA:
Mwandishi wetu alipomtafuta Wema kwa njia ya simu, iliita kwa muda mrefu bila kupokelewa, hata mwandishi wetu alipomtumia ujumbe mfupi wa maneno (SMS), bado hakujibu.
CLEMENT NAYE:
Katika harakati zetu za kutetea ukweli, mwandishi wetu alimtafuta kigogo huyo kwa ajili ya kupata ukweli halisi ambapo baada ya mwandishi kujitambulisha, Clement alitoa udhuru wa kwenda kikaoni na kutaka apigiwe baada ya dakika tano.
Baada ya dakika 20, mwandishi alimpigia simu Clement lakini kila ilipoita kwa muda aliikata.

BOFYA HAPA KUSOMA ZAIDI HABARI HII

ASKARI WAWILI NA WENGINE WATANO KIZIMBANI KWA UNYANG'ANYI WA KUTUMIA SILAHA JIJINI MBEYA

ASKARI wawili wa jeshi la Polisi na Magereza pamoja na watu watatu ambao ni raia wa kawaida wamefikishwa katika Mahakama ya Wilaya ya Mbeya wakituhumiwa kwa ujambazi wa kutumia silaha.

Watuhumiwa hao watano kwa pamoja walifikishwa jana mbele ya Hakimu Mfawidhi wa Mahakama ya Wilaya ya Mbeya, Michael Mteite wakituhumiwa kwa kosa moja la unyang’anyi wa kutumia Silaha kinyume cha Sheria kifungu cha 287 sura ya 16 kama ilivyofanyiwa marekebisho mwaka 2002.

Mwendesha mashtaka wa Serikali, Archiles Mulisa aliwataja watuhumiwa hao kuwa ni Mshitakiwa namba moja ambaye ni Askari Polisi PC James mwenye namba F8302 wa Wilaya ya Mbeya ambaye kabla ya kufikishwa mahakamani alivuliwa Uaskari baada ya kuhukumiwa kijeshi.

Aliwataja wengine kuwa ni mshtakiwa namba mbili kuwa ni Elinanzi Mshana(22)Mkazi wa Iyela Jijini Mbeya, Askari Magereza mwenye namba B 500 Sajenti Juma Mussa(37) wa Gereza la Ruanda Mbeya,Mbaruku Hamis(29) Mkazi wa Iyela na Amri Kihenya(38) Mkazi wa Iyela.

Akisoma mashtaka yao Mbele ya Hakimu Mfawidhi wa Mahakama hiyo, Michael Mteite, Mulisa alisema watuhumiwa hao walitenda kosa hilo Januari 3, Mwaka huu majira ya saa 11 jioni katika eneo la Mlima Kawetere barabara ya Mbeya Chunya.

Alisema watuhumiwa hao kwa pamoja walitenda kosa hilo kwa kulizuia gari aina ya Pick Up lililokuwa likiendeshwa na Ezekia Matatira (34) Mkazi wa Iyunga Jijini Mbeya ambaye alikuwa na mtu aliyekuwa akifahamika kwa jina la Sreedhar Pasupelet(38) mwenye asili ya Kiasia wakitumia magari madogo mawili ambayo ni GX 100 Toyota Cresta T 782 BEU na Gari linguine ambalo lilikuwa na namba za Chesesi GX 6011832 AINA YA Grand Mark II.

Aliongeza kuwa mbinu iliyotumika ni watuhumiwa ni watuhumiwa hao kutega magogo barabarani huku wakiomba msaada kwa madai kuwa magari yao yameharibika na ndipo baada ya wahanga kusimama waliwapora vitu vyao wakiwa na mapanga ambavyo ni pesa shilingi Milioni 3.5, Mabegi matatu yenye nguo mbali mbali yenye nguo, Kompyuta mpakato, simu aina ya Sumsung yenye thamani ya Shilingi Laki mbili pamoja na simu ya Dereva aina ya Tekno ambayo aliitambua Mahakani na kutumika kama kielelezo.

Hata hivyo watuhumiwa wote kwa pamoja walikana kuhusika na matukio hayo ambapo upande wa Mashtaka ulileta Shahidi mmoja ambaye ni Dereva wa Pick up Ezekia Matatira ambaye aliwatambua washtakiwa wote watano na kuiambia mahakama kuwa siku hiyo ya Tukio aliagizwa na Bosi wake kwamba awapeleke wageni Chunya na ndipo alipotekwa katika eneo hilo huku watekaji wakiagizwa na Maaskari na yeye kufungwa  pingu na kutishiwa na panga.

Aidha kutokana na kesi hiyo Hakimu Mteite aliahirisha kesi hiyo hadi Januari 15, mwaka huu ambapo upande wa Mashtaka utaleta mashahidi wengine huku watuhumiwa wakirudishwa Rumande baada ya dhamana yao kufungwa.

Ulinzi ukiimarishwa Baada ya watuhumiwa wa ujambazi kufikishwa mahakamani

Mbele ni mshitakiwa wa nne Mbaruku Hamis akiingia mahakamani

Kutoka kushoto ni mshitakiwa wa pili Elinanzi Eliabu Mshana, Mshtakiwa wa nne Mbaruku Hamis, Mshita

kiwa wa tatu Juma Mussa ambaye aliyekuwa Askari Magereza kwa Cheo cha Sajini , Anaefuatia ni Mshtakiwa wa kwanza PC James aliyekuwa Askari Polisi Wilaya ya Mbeya, na wa mwisho ni Mshitakiwa wa Tano Amri Kihenya .

Wa kwanza kushoto aliye vaa shati la Draft ni Dereva Ezekia Matatila (34) pamoja na wasikilizaji

Moja ya Gari lililotumika kufanya uharifu wa unyang'anyi wa kutumia silaha 

Washitakiwa wanne kati ya watano kutoka kushoto juu hadi wa nne wakiwa wanatoka mahakamani chini ya ulinzi mkali.

Mwenye Jaketi la Njano ndiye Mshitakiwa namba moja PC James 

Katikati ni Mke wa mshitakiwa wa tatu ambaye ni Askari Magereza Sajini Juma Mussa, Hata hivyo mwanamke huyo alizirai mahakamani wakati mumewe akiwa kizimbani

BOFYA HAPA KUSOMA ZAIDI HABARI HII

MWANAUME MMOJA ATAKA KUJIRUSHA JUU YA MNARA WA SIMU KISA KUBAMBIKIZIWA KESI NA POLISI

Mwanaume mmoja ambaye hakufahamika jina lake mara moja amepanda juu ya mnara wa kampuni ya simu za mkononi ya Vodacom uliopo Ubungo katika eneo la ofisi za Shirika la Viwango Tanzania (TBS)  jijini Dar es Salaam na kutaka kujirusha.

 

Mwanaume huyo amedai alitaka kufanya hivyo ili kufikisha ujumbe kwa Rais Jakaya Kikwete baada ya kudai kufungwa miaka sita jela kwa kubambikiziwa kesi na  polisi.

 

Mwanzoni alikataa katakata kushuka kutoka katika mnara huo akidai mpaka Rais Kikwete afike eneo hilo aweze kumweleza kero yake hiyo japo wanausalama walifanikiwa kutumia mbinu zao kumshawishi asijirushe na kufanikiwa kushuka naye.

 

 

 

Jamaa huyo akiwatuhumu polisi kwa kuwabambikiza kesi wananchi wakati akiongea na wanahabari baada ya kushushwa kutoka kwenye mnara.

BOFYA HAPA KUSOMA ZAIDI HABARI HII

UKARABATI UWANJA WA KUMBUKUMBU YA HAYATI SOKOINE MBEYA.KANDORO ASEMA MZUNGUKO WA PILI LIGI KUU LAZIMA MBEYA TUUSHUHUDIE,AANIKA UFISADI MKUBWA

MKUU wa Mkoa wa Mbeya,Abbas Kandoro, ameviagiza, Chama cha Mapinduzi (CCM)mkoa  na chama cha soka(Mrefa) kukutana na kuweka njia bora ya kukusanya michango ya fedha inayotolewa na wadau kwa ajili ya kazi ya upandaji nyasi katika wa Sokoine, baada ya kuibuka hisia za ubadhirifu wa fedha hizo.

Ukarabati wa uwanja wa sokoine Mbeya ukiendelea kwa kasi ndogo

Hii ndiyo hali halisi kwa sasa katika uwanja huo

MKUU wa Mkoa wa Mbeya,Abbas Kandoro, ameviagiza, Chama cha Mapinduzi (CCM)mkoa  na chama cha soka(Mrefa) kukutana na kuweka njia bora ya kukusanya michango ya fedha inayotolewa na wadau kwa ajili ya kazi ya upandaji nyasi katika wa Sokoine, baada ya kuibuka hisia za ubadhirifu wa fedha hizo.

Alitoa Agizo hilo baada ya kutembelea uwanjani hapo, hatua hiyo imekuja ikiwa ni siku chache baada ya Clouds fm kutangaza  habari iliyomtaka kuingilia kati zoezi hilo la upandaji nyasi baada ya kuonekana kusuasua.

Kandoro baada ya kufika uwanjani hapo na kukuta kazi ikisuasua, aliomba maelezo ya kina kutoka kwa viongozi wa CCM na Mrefa, pamoja na sababu zinazokwamisha kazik hiyo kufanyika kwa ufanisi ili kuendana na ratiba ya bodi ya ligi iliyoamuru kufungiwa kwa uwanja huo kutokana na kasoro nyingi.

Akitoa maelezo, M wenyekiti wa CCM  mkoa, Godfrey Zambi, alisema zoiezi hilo limeendelea kusuasua kutokana na kukosekana nguvu kazi ya kutosha na usimamizi duni wa shughulli hiyo.

“Mkuu wa mkoa kule ndani ya kikao tulipata maelezo ambayo yako tofauti na hali tuliyoikuta hapas na kwa hali hii kuna uwezekano ikasababisha watu kukosa kuona mechi katika mzunguko wa pili” alilalamika kwa hasira Zambi.

Kabla ya Zambi kumaliza kutoa maelezo, ghafla mafundi waliokuwepo uwanjani hapo walikatiza maezo na kuanza kulalamika kutolipwa fedha zao, pamoja na sababu nyingine zinazokwamisha kuendelea kufanyika kwa haraka kwa zoezi hilo.

“Mfano leo tumekosa kabisa nyasi za kupanda….maana wanakijiji wamezuia mzigo wa nyasi zilizokatwa usib ebwe mpaka walipwe fedha zao , jambo ambalo limekwamisha zoezi zima” alisema mmoja wa vibarua haol.

Kibarua mwingine alisema walilazimika kuhama kijiji cha wali walikokuwa wakichimba nyasi hizo na kuhamia kungine kutokana na serikali ya kijiji kuchachamaa kutokana na kutolipwa fedha zao za wiki mbili zilizopita.

Kutokana na maelezo hayo ya vibarua, Mkuu wa Mkoa aliwatataka Mkurugenzi wa Jiji, Mussa  Nzungiza, na viongozi wa chama cha soka watoe majibu.

Hata hivyo katika hali iliyojaa mkanganyiko, Mkurugenzi wa Jiji alisema kuwa wao wamekuwa wakitoa fedha kila siku kadiri ya Mrefa wanavyopeleka mahitaji, jambo lililopingwa hapo hapo na M akamu mwenyekiti wa Mrefa,Omary Mahinya.

“Mkuu wa Mkoa naomba niweke sawa maelezo ya mkurugenzi, sisi kama Mrefa hatujapekea fedha hizo, kwani sisi tulichofanywa ni kmuk,opeshwa kiasi cha shilingi milioni tano na TFF(Shirikisho la soka hapa nchiniP)” alifafanua Mahinya na kumshangaza mkuu wa mkoa.

Baada ya kuona sarakasi zinaendelea katika maelezo hayo, ndipo Mkuu wa Mkoa aliamua kutoa agizo “kuanzia sasa naomba CCM na mrefa make chini na kupan ga utaratibu mzuri wa hizi fedha na mimi naahidi kufuatilia hatua kwa hatua, haiwezekani mtuharibie mambo hapa” alihitimisha Kandoro.

Hata hivyo katika kuonesha kuguswa na hali hiyo, MKandoro alianzisha ziara ya kushitukmiza hadi katika vijiji zinakochimbwa nyasi hizo umbali wa kilometa 40, ambapo Alikutana na malalamiko ya wananchi kutolipwa fedha zao kiasi cha shilingi 600,000 na kuamua kutoa nusu ya fedha hizo na kuwaahidi kiasi kilichobaki kulipwa ndani ya siku mbili.

Siku chache zilizopita, Mwenyekiti wa chama cha soka mkoa wa Mbeya, elius Mwanjala, alisema zoezi hilo lingekamilika leo baada ya kupata kiasi cha shilingi milioni 8 kati ya 10 walizokuwa  wakizihitaji.

Hata hivyo, Mkuu wa Mkoa Kandoro alipokea ombi la wadau la kutaka kazi ya upandaji nyasi ichukuliwe na Jeshi la kujenga Taifa (JKT) kwa kushirikiana na wataalamu kmwa kuahidi kulifanyia kazi haraka iwezekanavyo.

Kwa upande wake, mtaalam wa kupanda nyasi ndani ya uwanja huo, Siddy Ibrahim , alisema kama yale yalioashidiwa na viongozi yatatekelezwa na hadi kufikia Januari 3 zoezi likakamilika, uwezekano wa wa mechi za mzunguko wa pili kuchezewa katika uwanja huo utakuwepo.

Picha na Mbeya yetu

BOFYA HAPA KUSOMA ZAIDI HABARI HII