AGHA KHAN MBEYA YATOA MSAADA WA VIFAA KWA HOSPITALI NA ZAHANATI KYELA

Mwenyekiti wa kamati ya afya Aga Khan Mbeya (kushoto)Sultan Thawer, akitoa taarifa kwa Mkuu wa Mkoa wa Mbeya, Abbas Kandoro kabla ya kukabidhi msaada wa vifaa vya tiba kwa Halmashauriya Wilaya ya Kyela na nyingine tatu za Mkoa wa Mbeya.

Mkuu wa Mkoa wa Mbeya, Abbas Kandoro,akisaidiwa na Mganga mkuu wa Mkoa,Dk. Seif Mhina,Katibu tawala Mkoa wa Mbeya, Mariam Mtunguja na Mwenyekiti wa Kamati ya afya Aga Khan Sultan Thawer wakikata utepe kuashiria kukabidhi msaada wa vifaa hivyo.

Picha ya pamoja
HOSPITALI ya Aga khan ya Mbeya imetoa msaada wa vifaa tiba kwa Hospitali na vituo vya afya katika Halmashauri nne za Mkoa wa Mbeya vyenye thamani ya zaidi ya shilingi Milioni 300. Msaada huo ulikabidhiwa na uongozi wa Hospitali hiyo kwa Mkuu wa Mkoa wa Mbeya, Abbas Kandoro kwa niaba ya Halmashauri husika katika hafla iliyofanyika katika ukumbi wa mikutano wa Mkapa uliopo Sokomatola jijini hapa. Mratibu wa Mradi wa tuunganishe mkono pamoja(JHI) Mkoa wa Mbeya, Abel Kide, ambaye pia ni Meneja wa Hospitali ya Aga Khan alisema Halmashauri zilizonufaika na mradi huo ni pamoja na Halmashauri ya Jiji la Mbeya, Kyela, Mbozi na Momba. Kide alizitaja Hospitali na zahanati zinazopatiwa vifaa hivyo kuwa ni Zahanati ya Ngana na Hospitali ya Wilaya ya Kyela(Kyela), Zahanati ya Iyunga na kituo cha Afya Kiwanja Mpaka(Mbeya jiji), Hospitali ya Wilaya ya Mbozi(Vwawa)na Zahanati ya Ivuna iliyopo wilayani Momba. Alivitaja vifaa hivyo kuwa ni Vitanda vya kujifungulia wajawazito, vitanda vya wagonjwa wa kawaida, Mashine za kuchemshia vifaa vya hospitalini, Mashine ya kumpa joto mtoto aliyetoka kuzaliwa, Mashine ya Ultra Sound,Mashine ya kumtolea uchafu mtoto mchanga,mashine za kupima uzito, joto, urefu na Presha na kwamba vyote jumla vinagharimu zaidi ya shilingi Milioni 300. Kide alisema lengo la kutoa msaada huo ni kuboresha afya ya mama mjamzito, mtoto mchanga na mtoto aliyechini ya miaka mitano ikiwa ni pamoja na kusogeza huduma za afya karibu na wananchi hususani kuokoa vifo vinavyotokea wakati wa kujifungua. Kwa upande wake Mkuu wa Mkoa wa Mbeya, Abbasi Kandoro alipongeza Hospitali ya Aga Khani kwa Msaada waliotoa katika Halmashauri hizo na kuziomba taasisi zingine kuungana na Serikali katika mpango wa kuhakikisha vifo vya Wanawake wajawazito, watoto wachanga na waliochini ya umri wa miaka mitano vinapungua. Kandoro alisema mkakati wa kupunguza vifo hivyo hautafanikiwa ikiwa utakuwa ukifanywa na sekta moja ya afya pekee bali kwa kushirikisha sekta zingine binafsi za serikali, viongozi wa dini na vyombo vya habari. Aliongeza kuwa ili kukomesha kabisa vifo hivyo, Halmashauri zitenge bajeti za kununua mfumo wa huduma tembezi(Mobile clinic) ili ziweze kufika hata maeneo ambayo hakuna huduma ya afya kwa kuwasogezea wananchi huduma ili waweze kupata msaada wa matibabu wakati wowote. Sambamba na kupokea msaada huo Mkuu wa Mkoa wa Mbeya alizindua Mpango wa utekelezaji wa kupunguza kasi ya vifo vitokanavyo na matatizo ya uzazi, watoto na watoto waliochini ya umri wa miaka mitano. Kandoro aliongeza kuwa mkakati huo ni maagizo ya Raisi wakati wa uzinduzi wa kitabu cha Mkakati wa kitaifa uliofanyika Mei 15 Mwaka huu ambapo aliagiza Kila Mkuu wa Mkoa kuutafakari mkakati huo kulingana na mazingira wanakotoka.
CREDIT;MBEYA YETU

BOFYA HAPA KUSOMA ZAIDI HABARI HII

SERIKALI YAKAMATA WANAFUNZI WATORO 500 NA KUWAFIKISHA KITUO CHA POLISI KYELA

Wanafunzi wakipakizwa kwenye lori kupelekwa Kittuo cha Polisi

Akari kituo cha polisi Kyelai wakijadili jambo

Wanafunzi wakiwa kwenye lori tayari kupelekwa kituoni

Wanafunzi wakiwa wamefikishwa nje ya Kituo cha polisi Kyela

Viongozi wa Serikali Kyela wakiongea na wanafunzi kituoni Polisi Kyela.

Mwenyekiti wa Halmashauri ya Wilaya aya Kyela ndugu Gabriel Mwakalinga(KIPIJA)akiongea na Mwandishi wetu

Mwanafunzi wa KEIFO Livingstone Msusi akiishukuru Serikali kwa kumrekebisha

Mwanafunzi Salome Mwaiposa akizungumzia tukio hilo kwa kuwaasa wazazi washirikiane na Serikali
KATIKA kuhakikisha elimu inapewa kipaumbele na kuongeza ufaulu kwa Wanafunzi Wilaya ya Kyela mkoani Mbeya,Halmashauri hiyo imeanzisha mkakati maalumu wa kuwakamata watoto watoro. Hayo yalibainishwa juzi na Mwenyekiti wa Halmashauri ya Wilaya ya Kyela, Gabriel Kipija, alipokuwa akizungumza na Mbeya yetu kuhusu mikakati ya kuongeza ufaulu kwa Wilaya hiyo. Kipija alisema hali ya utoro kwa wanafunzi ilikithiri sana kwa kutohudhuria masomo na kuzurura ovyo mitaani jambo lililopelekea Halmashauri hiyo kushika nafasi ya mwisho kimkoa katika matokeo ya hivi karibuni ya kidato cha Nne. Alisema katika Operesheni iliyofanyika wiki mbili zilizopita ikiongozwa na Mkuu wa Wilaya ya Kyela, Magreth Malenga, yeye mwenyewe na Mkurugenzi wa Halmashauri walifanikiwa kuwakamata wanafunzi 500 wa shule za Sekondari ndani ya siku moja. Alisema katika siku hiyo Wanafunzi wa shule mbali mbali za Sekondari Kyela Mjini walikamatwa kwa uzururaji wengi wao wakiwa kwenye sare za shule lakini hawakuhudhuria masomo na kuwafikisha kituo cha polisi kwa kosa la utovu wa nidhamu. Alisema kitendo cha kuwafikisha polisi wanafunzi hao kimeibua mwamko mkubwa wa wanafunzi kuhudhuria masomo darasani pamoja na kuwahi ambapo hivi sasa hakuna mwanafunzi anayeonekana barabarani kuanzia saa moja asubuhi tofauti na awali. Baadhi ya Wanafunzi wa Shule ya Sekondari Keifo iliyopo Wilayani Kyela ambao walikumbwa na mkasa huo, mbali na kukiri kufanya vitendo hivyo tofauti na matarajio ya wazazi pia walipongeza kitendo cha Halmashauri cha kuwakamata na kuwapeleka Polisi. Livingstone Msusi(15) mwanafunzi wa kidato cha Kwanza Keifo Sekondari alisema yeye binafsi alikumbwa na kamata kamata hiyo lakini hivi sasa amejirekebisha na kuwa wa kwanza kuwahi shule tofauti na awali ambapo alikuwa hafiki kabisa. Salome Mwaiposa(14) alisema tangu operesheni hiyo ifanyike amekuwa na maendeleo mazuri darasani kutokana na kuhudhuria vipindi vyote na kwa wakati unaostahili. Aidha baadhi ya wanafunzi waliwatupia lawama wazazi kwa kutofuatilia maendeleo ya watoto wao mashuleni ikiwa ni pamoja na kuwahimiza kwenda shule jambo lililochangia kuongezeka kwa utoro na kujiingiza katika shughuli hatarishi mitaani. Walisema ili kukomesha kabisa utoro wa wanafunzi mashuleni ni bora wazazi wakatoa ushirikiaono kwa Serikali kwa kutoa taarifa endapo wanakuwa na watoto ambao husumbua kusoma na kuwaletea kesi wazazi kutokana na kujiingiza katika magenge ya uhalifu. CREDIT;MBEYA YETU

BOFYA HAPA KUSOMA ZAIDI HABARI HII

UKATILI !! KICHANGA CHAKUTWA KIMETUPWA KWENYE MFUKO WA PLASTIKI WILAYANI KYELA

Mwili wa kichanga huyo ukiwa umetupwa mferejini.

Mwili wa kichanga ukiwa katika gari la polisi

Watu mbalimbali wakishuhudia tukio hilo la kinyama na kikatili

Gari la polisi likiwasili eneo la tukio kwa ajili ya kuuchukua mwili wa kiichanga huyo
Katika hali inayoonesha ni jinsi gani Dunia imefikia mwisho jioni ya tarehe 30 agosti 2014 kumetokea tukio lililowashtua watu wengi kwani ni UKATILI wa hali ya juu. Katika eneo la Kyela mjini maeneo ya uwanja wa wazi maarufu kama uwanja wa Roma kuna mfereji mkubwa uliojengwa kwa msaada wa TASAF kumekutwa kichanga kimetupwa kikiwa kimeviringishwa kwenye mfuko wa plastiki na salfeti. Inasemekana kichanga huyo ametupwa na mtu aliyekuwa na bodaboda na kisha akakimbia na asijulikane ni nani na ametokea wapi.Baada ya kuona hivyo ndipo taarifa zikafika Kituo cha polisi Kyela na askari kuja kuuchukua mwili wa kichanga huyo kwa taratibu za kitaalamu zaidi.
KYELA Nyumbani inalaani vikali kitendo hiki kisichovumilika katika jamii na kuwaomba wananchi wenye taarifa kuhusu tukio hili kuzifikisha kituoni Polisi mapema zaidi ili wahusika waweze kupelekwa mbele ya vyombo vya sheria na Haki iweze kutendeka

BOFYA HAPA KUSOMA ZAIDI HABARI HII

BIOLAND TANZANIA WAKABIDHI MSAADA WA GARI LA WAGONJWA (AMBULANCE) KWA HALMASHAURI YA WILAYA KYELA

Mkuu wa wilaya bi Magreth Malenga akiongea na wananchi waliohudhuria katika sherehe za makabidhiano hayo

Mkurugenzi wa Halmashauri ya wilaya Kyela ndugu Clemence Kasongo akitoa salamu

Mganga mkuu mkoa wa mbeya Dk Seif Mhina akitoa shukrani zake kwa kampuni ya Bioland

meneja wa Bioland tawi la Kyeal ndugu Erasto Kilongo akisoma Risala kwa Mkuu wa wilaya na meza kuu kwa ujumla

Mwenyekiti wa Halmashauri ya Wilaya Kyela ndugu Gabriel Mwakalinga(KIPIJA)akitoa shukrani kwa kampuni ya Bioland Tanzania

KAMPUNI ya Biolands International Ltd imetoa msaada wa gari ya kubebea wagonjwa (Ambulance) aina ya Nissan Patrol kwa Halmashauri ya Wilaya ya Kyela lenye thamani ya shilingi zaidi ya Milion 76. Hafla ya makabidhiano ya gari hilo imefanyika katika viwanja vya Halmashauri hiyo baina ya Mkuu wa Wilaya ya Kyela Magreth Esther Malenga, Meneja wa Bioland Felix Mtawa na Mwenyekiti wa uhamasishaji wananchi kujiunga na mfuko wa bima ya Afya, Dk.Charles Mbwaji wakishuhudiwa na mganga mkuu wa Mkoa wa Mbeya, Dk. Seif Mhina. Katika Risala ya Bioland iliyosomwa na Meneja wa Tawi, Erasto Kilongo, alisema lengo la msaada huo ni kutambua mchango wa wananchi katika maeneo wanayofanya kazi. Alisema Bioland ni Kampuni Binafsi inayojishughulisha na ununuzi wa Kakao katika Wilaya za Kyela na Rungwe ambapo inafanya kazi na na wakulima zaidi ya 20,000 katika vituo 137 vilivyopo katika wilaya hizo mbili. Alisema Kampuni hiyo inafanya kazi moja kwa moja na wakulima katika kufanikisha shughuli za vyeti mbalimbali ambavyo vinasaidia kuwepo kwa uhakika wa soko la kakao, vyeti kama vile kilimo hai (organic farming), Kilimo endelevu (Rain forest Allience),na Usawa wa kibiashara katika jamii (social and Fare Trade). Alisema katika sekta ya Afya na usalama wa wazalishaji, Kampuni imenuia kuhakikisha afya za wakulima na familia zao zinaendelea kuimarika wakati wote na kupata huduma za afya kwa gharama nafuu kupitia mradi wa Bima ya afya ya jamii. Alisema katika kufanikisha mradi huo, Kampuni ilikubali kutenga kiasi cha dolla 60,000 za kimarekani kwa kipindi cha miaka 5 toka 2010 hadi 2014 kwa ajili ya kutoa ruzuku kwa wakulima wanaojiunga na bima ya afya ya jamii. Aliongeza kuwa Kutokana na umuhimu huu wa kuhakikasha afya za wakulima na familia zao zinaimarika pia Biolands imefadhili ununuzi wa gari la wagonjwa (Ambulance) lenye thamani Shilingi Milioni 76,140,000/=, ambalo limekabidhiwa kwa Halmashauri kwa niaba ya CHIF, HIMSO, CIDR na wananchi wa Kyela. Awali akitoa salamu kwa niaba ya HIMSO, Dk. Charles Mwanji, alisema kazi ya HIMSO ambalo ni shirika lisilokuwa la kiserikali ni kuhakikisha wananchi wanajiunga na mfuko wa jamii na kupata huduma ipasavyo. Alisema moja ya majukumu yao ilikuwa ni kuwahamasisha Bioland kununua gari la wagonjwa kutokana na umuhimu kwa Wananchi wa Kyela ili waweze kupata huduma za mfuko wa bima kiufasaha. Naye Mganga Mkuu wa Mkoa wa Mbeya, Dk. Seif Mhina, alisema Kazi ya Bioland na HIMSO ilikuwa ni kutoa gari hivyo Halmashauri ihakikishe gari linatumika katika shughuli iliyokusudiwa. Alisema ili hayo yakamilike ni bora gari hilo likawa linashindwa kwenye Hospitali ya Wilaya ya Kyela ili kuepuka matumizi tofauti ya gari kama ilivyowahi kutokea kwa magari mengine. Kwa upande wake Mkuu wa Wilaya ya Kyela ikishukuru kwa niaba ya Wananchi wa Wilaya ya Kyela, alisema Kampuni hiyo imemaliza kilio cha Wananchi wa Kyela cha kutaka gari la wagonjwa kilichokuwepo muda mrefu. Alisema kupitia hamasa walioonesha Bioland Wilaya yake itaanza kuhamasisha wananchi kujiunga na mfuko wa bima ya afya ili kuhakikisha kila mwananchi anatumia kadi kwenye matibabu. Aidha alitoa wito kwa watumishi wa vituo vya Afya na Mahospitali kutoa kipaumbele kwa wagonjwa wenye kadi kuliko wenye fedha mkononi ili wapate tiba kama serikali ilivyoagiza. CREDIT;Mbeya Yetu

BOFYA HAPA KUSOMA ZAIDI HABARI HII

NEEMA YASHUKA KWA KWA WALE WOTE WALIOKOSA NAFASI KUENDELEA NA MASOMO KIDATO CHA TANO SERIKALINI , SASA MNAWEZA KUOMBA KUSOMESHWA SOMA HAPA.

HABARI NJEMA KWA WALE WOTE WALIOKOSA NAFASI KUENDELEA NA MASOMO KIDATO CHA TANO SERIKALINI , SASA MNAWEZA KUOMBA KUSOMESHWA SOMA HAPA.

BOFYA HAPA KUSOMA ZAIDI HABARI HII

AJALI: BASI LA NEWFORCE KUTOKA DAR KUJA KYELA LAUA WAWILI IGURUSI MBEYA

Umati mkubwa wa watu wakishuhudia basi la New Force muda mchache baada ya kupata Ajali
Taarifa kutoka Igurusi zinasema jana mida ya jioni Basi la New Force lililokuwa likitoka Dar es salaam kuja wilayani Kyela limepata Ajali Mbaya eneo la Igurusi na kusababisha Vifo vya watu wawili waliokuwa wakipita njia kwa miguu papo hapo na kujeruhi abiria wengine Arobaini ambao wamekimbizwa Hospitali sasa na kusaidiwa.
Akizungumza na KYELA Nyumbani mmoja wa abiria aliyekuwepo kwenye gari hiyo bwana Ibra Mwangimba alisema "Hakika watu hawana ubinadamu kabisa badala ya kuokoa majeruhi wao wanakimbilia kuiba mizigo na vitu."Bwana Mwangimba aliendelea kwa kumshukuru Mungu kwa kuokoa uhai wake kwa dakika zile ngumu.
Endelea kufuatilia tunakuletea habari kamili

BOFYA HAPA KUSOMA ZAIDI HABARI HII

LOWASA ALIA NA TATIZO LA AJIRA KWA VIJANA NCHINI

Akizungumza na waandishi wa habari jana nje ya Viwanja vya Bunge, Lowassa alisema Serikali ni lazima ihakikishe inatengeneza ajira kwa kuwa kila mwaka zaidi ya vijana 30,000 wanahitimu katika vyuo mbalimbali nchini. Wasomi hao wa fani mbalimbali walijitokeza katika uwanja huo Ijumaa iliyopita, kuanzia saa 12 asubuhi wakisubiri kufanyiwa usaili huo. Lowassa ambaye alijiuzulu wadhifa wa Waziri Mkuu mwaka 2008, amenukuliwa mara nyingi akiitaka Serikali kuchukua hatua kukabiliana na tatizo la ajira na akisema ni bomu linalosubiri kulipuka. lowassa Mbunge huyo wa Monduli kupitia CCM, aliwahi kuingia kwenye malumbano makali na Waziri wa Kazi na Ajira, Gaudensia Kabaka kuhusiana na suala la ajira kwa vijana. Kabaka akiwa bungeni, Machi 21, 2012 alitoa takwimu za namna Serikali ilivyokuwa inatengeneza ajira kwa nia ya kumjibu Lowassa, ambaye alikuwa ameeleza tatizo la ajira linavyowaathiri vijana. Jana, Lowassa kuongezeka kwa makundi ya vijana wanaopora watu katika maeneo mbalimbali nchini ni ishara ya ukosefu wa ajira. “Watanzania sasa tupo milioni 48 na kila mwaka vijana zaidi ya 30,000 wanahitimu vyuo vikuu na kazi hakuna, pamoja na hilo hatuambiwi ni vijana wangapi ambao hawana kazi,” alisema Lowassa.
Alisema lazima Serikali itengeneze ajira kwa wananchi wake, huku akimtolea mfano Rais wa Marekani, Barack Obama kwamba alishinda awamu ya pili kwa sababu ya kutengeneza ajira.
“Mfano mzuri ni katika uanzishwaji wa viwanda. Tunapofikiria kuanzisha kiwanda cha pamba kwanza lazima tuangalie tutatengeneza ajira ngapi,” alisema.

Katika kuonyesha kuwa ajira sasa ni tatizo nchini, juzi jioni wakati wa mjadala wa Bajeti Kuu, Naibu Spika Job Ndugai alisema Mtanzania mwenye nia ya kugombea urais mwaka 2015 ili aweze kuelekewa kwa wananchi ni lazima aeleze mikakati ya kuwasaidia vijana kupata ajira.
“Ajira ni tatizo kubwa na lazima lishughulikiwe. Kuna vijana hawaendi shule lazima watazamwe. Kuna wanaomaliza darasa la saba, kidato cha nne, cha sita na vyuo vikuu.
Nazungumza kutoka moyoni kabisa. Hizi ni dakika za mwisho za Serikali ya awamu ya nne, wale wanaojipanga kwa awamu ya tano kama hawataongelea ajira basi waandike wameumia.”
Ndugai alisema vijana wasio na kazi ndiyo wapigakura wakubwa na kusisitiza kuwa mgombea yeyote makini ni lazima afikirie suala la ajira kwa vijana.
Kiongozi wa Kambi Rasmi ya Upinzani Bungeni, Freeman Mbowe alisema: “Vijana 10,500 kufanya usaili wa nafasi 70 ni janga la taifa. Yupo kiongozi mmoja mwandamizi wa CCM aliwahi kulizungumza hili lakini akapondwa kwamba anazungumza mambo kwa kuzua. Sasa huu ndiyo ukweli wenyewe.”

BOFYA HAPA KUSOMA ZAIDI HABARI HII

WAZIRI NA MBUNGE WA KYELA MH MWAKYEMBE AZINDUA MASHINDANO YA BODABODA JIJINI MBEYA

Waziri Mwakyembe akipiga mpira kama ishara ya kuzindua ligi hiyo

div class="separator" style="clear: both; text-align: center;">

WAZIRI wa Uchukuzi Dk.Harison Mwakyembe,amezindua rasmi ligi ya mpira wa miguu itakayowashirikisha madereva wa pikipiki maarufu kwa jina la bodaboda inayojulikana na Cocacola bodaboda cup 2014. Uzinduzi huo ulifanyika jana jumamosi katika viwanja vya Shule ya Msingi Ruanda Nzovwe iliyopo Ilomba jijini Mbeya ambapo zvikundi kumi vya madereva wa bodaboda vitashiriki ligi hiyo. Akizindua ligi hiyo Mwakyembe amewataka madereva wa bodaboda kuendesha pikipiki zao kwa uangalifu na kuacha ulevi ili kupunguza ajali zisizokuwa za lazima. Alisema waendesha boda boda wanapaswa kutumia mashindano kama njia ya kujikumbusha juu ya masuala muhimu ya usalama barabarani kwa kuepuka ulevu watumiapo vyombo hivyo huku akipongeza wadau wa michezo mkoani hapa kwa kuleta mapinduzi katika michezo nchini. Alisema uwepo wa mikakati madhubuti baina ya wadau wa michezo mkoani Mbeya umewezesha kuibuka upya kwa amani,mshikamano na upendo baina ya wakazi wa Mkoa wa Mbeya na kusababisha mshikamano wa hali ya juu tofauti na miaka kadhaa iliyopita. Dk Mwakyembe pia aliwataka waratibu wa mashindano hayo kampuni ya City Sign Promotion and Marketing Agency kuwaalika wabunge wote wa Mkoa wa Mbeya siku ya mchezo wa fainali ili kwa pamoja waweze kujionea namna michezo ilivyowezesha watu wa makundi yote kukutana na kuzungumza mambo ya msingi wakiweka tofauti zao pembeni.
Awali mmoja wa Wakurugenzi wa City sign Promotion, Geofrey Mwangunguru alisema timu zinazoshiriki michuano hiyo zimegawanywa katika makundi mawili ya A na B ambapo kila kundi lina jumla ya timu tano na kila kundi litatoa timu mbili zitakazoingia hatua ya nusu fainali na baadaye kupatikana bingwa wa michuano.
Aidha Mwangunguru alisema dhamira ya kuanzisha ligi hiyo ni kutambua mchango wa sekta hiyo katika usafirishaji pamoja na kuwaunganisha na jamii ambayo imekuwa ikiamini kuwa kundi hilo halipaswi kuweko katika jamii.
Aliongeza kuwa kabla ya kuanzisha kwa ligi hiyo kampuni yake ilijiwekea vipaumbele vitatu ambavyo ni kuhakikisha umoja wa bodaboda unaanzisha saccoss, kujiunga na taasisi za Pensheni pamoja na kutafuta bima za afya kwa ajili ya maisha yao kutokana na ajali za mara kwa mara.
Kwa mujibu wa Mwangunguru katika kundi A zipo timu za waendesha bodaboba za Mbalizi standi Umalila,Iyunga,Shewe Sae,Kadege na Uyole wakati kundi B zipo timu za Mbalizi standi Chunya,Ilomba,Soweto,Kabwe na Mafiati.
Mwangungulu alisema bingwa wa mashindano hayo yatakayoendeshwa kwa muda wa siku 31 anatarajiwa kuzawadiwa pikipiki aina ya Boxer yenye thamani ya shilingi milioni 2.5,mshindi wa pili shilingi laki saba,mshindi wa tatu shilingi laki tatu na mfungaji bora shilingi laki moja.
Naye Katibu wa Umoja wa waendesha boda boda Mbeya, Msenda Mdesa, akisoma Risala mbele ya Mgeni rasmi ambaye alikuwa ni Waziri wa Uchukuzi Dk. Harison Mwakyembe, alisema umoja huo umefanikiwa kuwaunganisha madereva wa bodaboda Mkoa mzima.
Aliongeza kuwa kutokana na umoja huo wamefanikiwa kuanzisha benki yenye wanachama 312 iliyosajiliwa kwa mujibu wa sheria za uanzishwaji wa benki na kupewa Baraka zote na Benki kuu ya Tanzania.

MACHO NA MASIKIO NI HUKO BRAZIL KUANZIA HIVI SASA.ZIFUATAZO NI DONDOO ZA KOMBE LA DUNIA

Zifuatazo ni dondoo za timu mbalimbali kuelekea kombe la dunia Brazil kabla hatujaangalia kundi A linafungua dimba leo Leo ndio siku ya siku! Mashindano ya kombe la dunia yatang'oa nanga leo huko Brazil. Mji wa Sao Paolo kutakako fanyika sherehe za ufunguzi rasmi wa mashindano hayo na pia mechi ya ufunguzi kati ya Brazil na Croatia, umekabiliwa na matatizo si haba ikiwemo migomo ya usafiri, usalama, na ghasia za hapa na pale. Fauka ya hayo, msisimko ni mkubwa kote duni POLISI WAPAMBANA NA WAANDAMANAJI BRAZIL Polisi katika mjini wa São Paulo nchini Brazil wametumia mabomu ya machozi kutawanya waandamanaji wanaopinga Kombe la Dunia, ikiwa ni saa chache tu kabla ya michuano hiyo kuanza. Taarifa zinasema mtu mmoja amekamatwa na mwandishi mmoja wa CNN kujeruhiwa. Waandamanaji wanasema wamepanga kuandamana karibu na uwanja ambao shughuli ya ufunguzi itafanyika. Maandamano zaidi yamepangwa katika miji mingine ya Brazil kupinga michuano hiyo kuandaliwa nchini humo. Picha za TV kutoka São Paulo zinaonesha polisi wa kutuliza ghasia wakitumia mabomu ya machozi na risasi za mpira karibu na uwanja wa Corinthians. Waandamanaji hao wamekuwa wakiimba- wakisema "hakutakuwa na kombe hapa". Lakini pamoja na hayo kipyenga cha referree lazima kipulizwe kabla ya kuruhusu nyasi kuumia wakati miamba miwili ikionyeshana kazi mwamba mmoja toka kusini mwa Amerika na mwingine toka mashariki mwa Ulaya Mwamuzi wa mwaka wa Zamani wa Afrika Kusini, Daniel Bennett,ndoto zake za kushiriki fainali za Fifa za kombe la dunia 2014 zimevurugwa baada ya kutolewa nje kushiriki mashindano hayo kwa sababu ya kuumia kifundo cha mguu. Bennett alipendekezwa kuondolewa kama mwamuzi msaidizi baada ya Jopo la waamuzi soka ulimwengu kukubaliana kumuondoa katika mashindano hayo yatakayoanza nchini Brazil Leo tarehe 12/06/2012 saa tano kamili usiku kwa muda wa Afrika Mashariki Kocha wa Uruguay Oscar Tabarez hajui ni wakani gani mshambuliaji Luis Suarez, atakuwa vizuri na kuwa tayari kurudi kufanya kazi baada ya goti lake kufanyiwa upasuaji, aliyasema siku ya Jumanne. Tabarez alisema " Amerudi vizuri sana na anaweza kuwa bora,anafanya kazi ya ziada nje mazoezi yake kimwili.," "hatuwezi kutajaa tarehe kamili, mimi sijui kama tutaweza kuwa naye kwa ajili ya mechi ya kwanza, ya pili, na ya tatu,Kama ingekuwa ni juu yangu, Suarez angecheza kesho." Tabarez aliwaambia waandishi wa habari baada ya mazoezi ya Uruguay Uruguay katika mechi yao ya kwanza ya Kombe la Dunia katika kundi D watakipiga dhidi ya Costa Rica na kufuatiwa na mechi dhidi ya England na Italia. Suarez aliwaambia mashabiki wake katika Twitter kuwa amewasili katika kikosi nchini Brazil na anajisikia nafuu katika goti lake la kushoto yuko tayari kurudi kwa ajili ya kombe la dunia Kuelekea mechi ya Leo kati ya wenyeji Brazil vs Croatia. Wachezaji nyota wanaotegewa Brazil-Neymar jnr,willian, Oscar,paulinho,T.Silva Croatia Rakitic,Modric,Olivia Folic na Jelavic. Mario Mandizukic hatocheza Leo kutokana na kadi nyekundu anayotumikia Source;Grant Mwaijengo

BOFYA HAPA KUSOMA ZAIDI HABARI HII

TFDA YATEKETEZA SHEHENA YA VIROBA HARAMU VIPODOZI NA MADAWA YALIYOKWISHA MUDA WAKE WILAYANI KYELA NA RUNGWE

Mamlaka ya Chakula na Dawa kwa kushirikiana na uongozi wa wilaya za kyela na Rungwe wamefanikiwa kukamata na kuteketeza shehena kubwa ya pombe haramu aina ya viroba, vipodozi, dawa na vyakula ambavyo muda wake wa matumizi umepita, bidhaa ambazo zimekamatwa wakati wa operesheni ya kutokomeza uingizwaji wa pombe haramu za viroba mkoani mbeya.
Shehena ya pombe haramu za viroba, vipodozi, vyakula na dawa ambazo muda wake wa matumizi umekwisha vikiwa na thamani ya zaidi ya shilingi milioni 20 vimeteketezwa kwa nyakati tofauti katika wilaya za Kyela na Rungwe , zoezi ambalo limesimamiwa na kamati za ulinzi na usalama za wilaya hizo.
Mkuu wa idara ya usafi na mazingira wilayani rungwe Dk. Nimroud kipoza na afisa wa mamlaka ya mapato TRA wilayani kyela Paul Walalaze wanaelezea madhara ya bishaa hizo kiafya na kiuchumi kwa watanzania.
Baadhi ya vijana ambao wameunda kikundi cha kupambana na pombe haramu za viroba pamoja na dawa za kulevya katika mpaka wa kasumulu wilayani kyela wamesema mafanikio yao katika kudhibiti bidhaa hizo yanatokana na kupata ushirikiano mzuri kutoka serikalini.
Meneja wa mamlaka ya udhibiti wa chakula na dawa (TFDA) kanda ya nyanda za juu kusini, Rodney Alananga amesema zoezi la kupambana na bidhaa hizo ni endelevu, hivyo akawataka wale wote wanaojihusisha na biashara hiyo kuacha ili kuepuka kupata hasara

BOFYA HAPA KUSOMA ZAIDI HABARI HII

LAANA:BINTI ALIYENG'ATWA KWA MENO NA BOSI WAKE AKABIDHIWA KWA WANAHARAKATI JIJINI DAR ES SALAAM

Binti aliyepata mateso kwa kung’atwa na kuchomwa kwa pasi na mwajili wake, Yusta Lucas (Kushoto) akiwa na mama yake, Modesta Simoni katika hospitali ya Mwananyamala juzi Dar es Salaam.
Hatimaye Yusta Lucas (20), binti anayedaiwa kuteswa kwa kung’atwa na mwajiri wake, Amina Maige ameruhusiwa kutoka Hospitali ya Mwananyamala alikokuwa amelazwa na kukabidhiwa kwa wanaharakati wa Taasisi ya Jipange. Hatua hiyo ilifikiwa baada ya maridhiano kati ya Ustawi wa Jamii, mama mzazi wa Yusta, Modesta Simon, Kamati ya Ulinzi na Usalama Kata ya Makumbusho na Jipange ambao ndiyo iliyofanikisha kumwokoa binti huyo. Akizungumza jana, Ofisa Mtendaji wa Kata ya Makumbusho, Husna Nondo alisema baada ya kutafakari kwa kina juu ya usalama na urahisi wa kupatikana pale atakapohitajika, wamekubaliana binti huyo akae kwa muda kwa mmoja wa wanakikundi kutoka taasisi hiyo. “Tumeafikiana Yusta aendelee kubaki mikononi mwa wanaharakati ili iwe rahisi kupatikana atakapohitajika mahakamani, maana yeye ndiye shahidi wa kwanza. Mama na mjomba wake waliotoka Tabora wataendelea kukaa Upanga walikofikia,” alisema Nondo. Ofisa Ustawi wa Jamii wa Hospitali ya Mwananyamala, Rose Temu alisema wamemkabidhi Yusta kwa Jipange kwa maandishi na wanaamini yuko katika mikono salama kwa sababu taasisi hiyo ndiyo iliyokuwa mstari wa mbele kumuokoa. “Wakati akisubiri kesi yake, tumekubaliana awe chini ya Jipange tumeona asiendelee kukaa wodini kwan anaweza kupata ugonjwa mwingine, uamuzi ambao hata mama yake ameuridhia.”
Mwenyekiti wa Jipange, Janet Mawinza alisema wamekubali kumpokea Yusta kwa ajili ya usalama wake lakini akasema hataeleza ni wapi atakuwa anaishi kwa kipindi atakachokuwa akisubiri kesi. “Sisi tumempokea kama kikundi na tunachoomba ni vyombo vinavyohusika na suala hili kuhakikisha vinashughulikia suala lake kwa wakati ili huyu binti aungane na familia yake Tabora,” alisema. Mama wa binti huyo alisema anaamini binti yake yuko katika mikono salama. “Hawa Jipange ndiyo walikuwa naye tangu siku ya kwanza na sioni kama kuna tatizo wao kuendelea kuwa naye.” TUJIKUMBUSHE
Kwa siku tano, Yusta alikuwa amelazwa katika Hospitali ya Mwananyamala kuuguza majeraha yanayodaiwa kusababishwa na kung’atwa na kuchomwa na pasi na Maige ambaye alikuwa mwajiri wake huko Mwananyamala Kwa Manjunju kwa muda wa miaka mitatu. Mtuhumiwa anashikiliwa na Polisi katika Kituo cha Oysterbay na wakati wowote atafikishwa mahakamani upelelezi utakapokamilika.
Yusta alikumbwa na masaibu hayo kwa muda mrefu hadi hivi karibuni majirani wakiwa na polisi walipovamia nyumba hiyo na kumkamata bosi wake kisha kumpeleka Kituo cha Polisi cha Oysteraby, Dar ambako anashikiliwa na yeye kupelekwa Hospitali ya Mwananyamala kwa matibu baada ya kukutwa na majeraha. Kamanda wa Mkoa wa Kipolisi wa Kinondoni, ACP Camillius Wambura amethibitisha kutokea kwa tukio hilo na kusema mtuhumiwa ametiwa mbaroni.
Yusta alielezea mwenendo wa mwajiri wake ambao sio wa kawaida KUHUSU MAISHA YA TAJIRI WAKE Aidha, Yusta alianika mienendo mitano ya bosi wake huyo na kusema imekuwa ikimshangaza sana.
MWENENDO WA KWANZA “Mimi katika kuishi kwangu pale sijawahi kumwona jirani yeyote amekuja ndani kusalimia wala yeye kwenda kwa jirani kufanya hivyo jambo ambalo si la kawaida.”
MWENENDO WA PILI “Yeye (bosi wake) hana mume. Lakini tangu nimeishi pale kwa miaka mitatu sijawahi kumwona mwanaume ameingia ndani ya nyumba achilia mbali wanawake wenzake, hata mgeni. Kifupi yeye ni yeye kwa pale nyumbani kama ana marafiki labda wanakutana mbali.”
MWENENDO WA TATU
“Muda wake wa kurudi nyumbani siku zote ni usiku mnene, amewahi sana ni saa mbili usiku. Kwa hiyo, muda mwingi mimi ndiyo huwa nyumbani.”
MWENENDO WA NNE
“Anajiweza, sijui kwa nini aliamua kunifanyia hivi. Maana mtu ana gari, anaendesha mwenyewe na anasema ana hela, ndiyo maana namshangaa kuniadhibu kwa kuning’ata kwa meno.”
MWENENDO WA TANO
“Sikumbuki lini nimewahi kumwona akicheka. Muda mwingi anaonekana amekasirika tu kiasi kwamba nimekuwa nikimwogopa siku zote.”
OMBI KWA SERIKALI
Yusta alisema kufuatia matatizo makubwa yaliyompata ameiomba serikali imsaidie aweze kurudi nyumbani kwao Tabora.
SHUKURANI KWA MAJIRANI
Yusta alitoa shukurani kwa majirani waliojitokeza kuokoa maisha yake ambapo alisema kama wasingekuwa wao hajui ingekuwaje.
MANENO YA MUUGUZI
Kwa upande wa hospitali hiyo, muuguzi kiongozi wa zamu siku hiyo, Mahija Swalehe alikemea tabia za waajiri wa wafanyakazi wa ndani kuwatesa na kuiomba serikali kuliangalia suala hilo kwa jicho la tatu ili kukomesha vitendo hivyo

BOFYA HAPA KUSOMA ZAIDI HABARI HII

MBEYA CITY FC YASAINI MKATABA NA BINSLUM TYRES WA MILIONI 360

Mbeya CIty FC yaingia Mkataba wa Udhamini na Kampuni ya Binslum Tyres CO. Ltd.. Mkataba huo ni wa Miaka Miwili wenye Thamani ya Tsh. Milioni 360.!! Mkataba umeanza Rasmi sasa., Kiasi hicho kitatolewa kila Mwezi kulingana na Makubaliano waliojiwekea Chukua muda wako Tazama Picha zifuatazo kuhusu kile kilichojiri kwenye Kutia saini Mkataba wa Miaka Miwili kati ya Mbeya City FC na Kampuni ya Binslum Tyres CO. LTD Muda Mfupi uliopita kwenye Ukumbi wa Halmashauri ya Jiji la Mbeya... Mkataba huo umesainiwa na Mwanasheria wa Jiji la Mbeya Adv. James Bernod Kyando na Mkurugenzi wa Binslum Ndg Mohamed Ahmed Binslum.!!

Wakionesha mkataba kwa Waandishi wa Habari

Pichambili hapo juu ni Muonekano mpya wa jezio za Mbeya City Fc

Picha mbili hapo juu ni Mkurugenzi wa Binslum pamoja na Mwanasheria wa Halmashauri ya jiji la mbeya wakisaini mkataba huo.

BOFYA HAPA KUSOMA ZAIDI HABARI HII

LAAANA;KICHANGA ATUPWA CHOONI HUKO IGANZO MBEYA

WIMBI la wanawake mkoani Mbeya kujifungua watoto na kisha kuwatupa na wengine kutoa mimba limezidi kushika kasi na kukithiri baada ya vitendo hivyo kuripotiwa na vichanga kuokotwa kwenye mashimo na mitoni. Kukithiri kwa vitendo ni baada ya leo Wananchi wa Mtaa wa Mwambenja kata ya Iganzo jijini Mbeya kugundua kutupwa kwa mtoto anayesemekana kuwa na umri usiozidi siku moja jinsia ya kike katika shimo la choo kisichotumika.

Kwa mujibu wa mwenyekiti wa Mtaa huo, aliyefahamika kwa jina la Lukasi Mwakalonge, alisema alipewa taarifa na wananchi wake mchana na kuambiwa kuna katoto kametupwa shimoni na bado ni kazima hali iliyomlazimu kutoa taarifa katika Jeshi la Polisi. Alisema baada ya kufika eneo la tukio na kugundua kuwa mtoto bado yuko hai wakaamua kumtoa ndani ya shimo huku wakisubiri jeshi la polisi kwa ajili ya hatua zaidi lakini akawa amepoteza maisha muda mfupi baada ya kutolewa ndani ya shimo. Hata hivyo jeshi la Polisi lilifika eneo la tukio na kuuchukua mwili wa marehemu, vitendo hivyo vya wanawake kutupa watoto kabla na baada ya kujifungia bado vinazidi kutokea hapa nchini ingawa hakuna takwimu sahihi za wanawake waliopatikana na hatia kwa makosa kama hayo.