"HAPA KAZI TU" YAANZA RASMI KATA YA IKIMBA KWA DIWANI KUTEMBELEA NA KUKAGUA VYANZO YA MAJI

Mh Katule Kingamkono akitembelea miundombinu ya vyanzo vya maji katika kata ya Ikimba vilivyopo katika Kitongoji cha london huko mpakani mwa Kyela na ILEJE

Wakiendelea na zoezi la kuangalia hali ya miundombinu ya vyanzo vya maji

Hii ni sehemu ya bomba linalotakiwa kutiririsha maji kutoka kwenye chanzo hicho cha maji kama anavolionesha Mheshimiwa Kingamkono  

*******************************************************************************
Mheshimiwa Katule Kingamkono jana tarehe 06 Novemba 2015 ameanza rasmi utekelezaji wa Ilani ya CCM chama kilichomuweka madarakani kwa  ridhaa  ya wananchi wa kata ya Ikimba kupitia sanduku la kura katika uchaguzi mkuu  uliofanyika Octoba 25 mwaka huu Tanzania nzima.. 
Diwani huyo  ametembelea chanzo cha maji katika mto mwega kilichopo  katika kijiji cha Kapeta kitongoji cha London wilayani Ileje ambayo muda mrefu hayatoki kwenye mabomba hasa ya wananchi wa kata ya Ikimba.
Akiongea na Mwandishi mkuu wa mtandao wako wa nyumbani mheshimiwa Kingamkono amesema"Lengo la kutembelea vyanzo hivyo amesema kuwa anataka kujua changamoto na kujua sababu kwanini wananchi hawapati maji ili akiapishwa akajenge hoja kwenye vikao vya baraza la madiwani vitakapoanza". 
Mheshimiwa Katule aliongeza kwa kusema katika ziara hiyo ya uchunguzi amegundua   kuna baadhi ya maeneo kuna mabomba ambayo yametoboka yaliokuwa yakipeleka maji Ikimba yanahitaji kuyarejesha kwenye hali ya kawaida. 
Wakati huo huo mheshimiwa Katule Kingamkono ni miongoni mwa Madiwani waliochukua fomu ya kuwania nafasi ya Mwenyekiti wa halmashauri ya wilaya ya Kyela ambayo ilikuwa ikishikiliwa na Gabriel Martin Kipija aliemaliza muda wake
Imeandikwa na; Puyol B Mwasampeta  (0757337870)
Imehaririwa na ; Martin Emanuel  (0716879949)

BOFYA HAPA KUSOMA ZAIDI HABARI HII

ISAMBULA FC YATWAA UBINGWA WA GWATENGILE CUP ,BEDONI GWATENGILE AKABIDHI ZAWADI KWA WASHINDI

Timu ya MPUNGA CITY wakiwa katika picha ya pamoja na Mgeni rasmi Bwana Bedoni Gwatengile kabla ya fainali

Timu ya ISAMBULA FC wakiwa katika picha ya pamoja na Mgeni rasmi Bwana Bedoni Gwatengile kabla ya fainali

Bedoni Gwatengile akisoma risala kwa niaba ya Ezekiel Gwatengile wakati wa fainali za GWATENGILE CUP huko BUSOKELO

Bwana Bedoni Gwatengile akifuatilia kwa makini mchezo wa fainali ya GWATNGILE CUP

Mabingwa wa GWATENGILE CUP 2015 wakishangilia kikombe baada ya kukabidhiwa na Mgeni rasmi Bwana Bedoni Gwatengile jana huko BUSOKELO 

Bwana Bedoni  Gwatengile kwa niaba ya Ezekiel Gwatengile amekabidhi zawadi kwa mabingwa wa ligi ya GWATENGILE CUP  ambao ni timu ya Isambula Fc ambao ndio mabingwa wa ligi hiyo kwa kuwanyuka wapinzani wao mabingwa wa kihistoria Mpunga city goli moja lilofungwa na Lughano Mwantingo kwa njia ya penalti baada ya mabeki wa Mpunga city kuunawa mpira katika eneo la hatari wakati wa mechi ya fainali hiyo iliyokuwa na upinzani wa hali ya juu 
Zawadi kwa washindi wa ligi hiyo zilizokabidhiwa na Bwana Bedoni Gwatengile ambaye alikuwa mgeni rasmi ni kama ifuatavyo
1.Isambula kikombe cha dhahabu na seti moja ya jezi 
2.Mpunga City seti moja ya jezi 3.mpira mmoja. 
Akikabidhi zawadi hizo Bedon Gwatengile kwa niaba ya Ezekiel Gwatengile amesema kuwa zawadi alizotoa haziwezi kulingana na thamani ya kazi walioifanya uwanjani ila zawadi hizo ni ishara tu ya kuwatambua washindi.
Amesema kuwa kama Mungu atampa uhai ataweka ligi ya jimbo mwakani itakayozishirikisha mshindi wa kwanza na wa pili wa kila kata ambapo jumla ya timu ishirini na nne(24), amewataka vijana kujituma ili waweze kupata ajira kupitia michezo na amesema ataviomba vyombo vya habari kuitangaza ligi hiyo ili wachezaji wapate soko.

Mwandishi ;Aidan Mwasampeta 0757337870
Mhariri; Martin Emanuel 0769858521

BOFYA HAPA KUSOMA ZAIDI HABARI HII

SHIRIKA LISILO LA KISERIKALI LA MIICO LAENDESHA SEMINA YA KUWAJENGEA UWEZO WAKULIMA WA MPUNGA WILAYANI KYELA

Mkurugenzi Mtendaji wa shirika la  MIICO Bwana ADAM SIWINGWA akiwaelekeza jambo baadhi ya wakulima waliohudhuria semina hiyo wilayanio Kyela juzi 

 Mkurugenzi wa Shirika la MIICO akiwapatia mafunzo wanakulima waliohudhuria semina hiyo 

Bi Catherine Mlaga akiwezesha semina kwa wanakijiji waliohudhuria semina iliyoandaliwa na shirika la MIICO

Majadiliano ya vikundi yakiendelea katika semina hiyo yakisimamiwa na Bi Catherine Mlaga

Mkuu wa wilaya ya Kyela Bi Thea Ntara akizungumza wakati wa uzinduzi wa semina hiyo ya uwezeshwaji kwa wakulima wa mpungawilayani Kyela

Mkuu wa wilaya akiwa na Kaimu afisa kilimo wa wilaya ya Kyela Bwana Paulo Sheyo wakati wa Semina hiyo

Mkuu wa wilaya Kyela akiwakabidhi baiskeli zilizotolewa na shirika la MIICO kwa wakulima waliohudhuria semina hiyo ya uwezeshaji wakulima wa kilimo cha mpunga wilayani Kyela

Shirika lisilo la kiserikali la MIICO kutoka jijini Mbeya juzi tarehe 16.10.2015 liliendesha semina ya kuwajengea uwezo baadhi ya wakulima wa kilimo cha mpunga wilayani Kyela
Semina hiypo iliyojumuisha washiriki ambao ni Wakulima kutoka vijiji kumi na sita ambavyo ni Katumba,Mpunguti, Isanga,Tenende, Bwato, Isuba,Makwale, Mahenge, Ngeleka, Katela, Kanga,Kafundo, Mubunga, Kingili,Ngana na Mpunguti ya Makwale. 
Mfanyakazi na mwezeshaji  wa shirika la Miico lenye makao makuu jijini Mbeya nane nane  Bi Catherine Mlaga amesema kuwa shirika hilo linafanya kazi na wakulima wa mikoa minne ambayo ni Morogoro,Iringa, Rukwa na Mbeya na wilaya sita zinanufaika na miradi yao. 
Pamoja na kuwapatia wakulima mafunzo jinsi ya uzalishaji wa mpunga pia shirika la MIICO limetoa baiskeli kumi na sita (16) kwa vijiji vinavyonufaika na mradi huo. 
Akikabidhi baiskeli hizo mkuu wa wilaya ya Kyela bi Thea Ntara amelishukuru shirika la MIICO kwa kuja wilayani Kyela na kuwafundisha wakulima wa zao la mpunga na kuwaomba MIICO kuendelea kufanya hivyo mara kwa mara wilayani Kyela. 
Ameliomba shirika hilo kuwapeleka baadhi ya wakulima nje ya nchi ili wakajifunze na kubadilishana mawazo na wakulima wa mpunga wa nje ya Tanzania. 
Mkuu wa wilaya pia  amewaomba wakulima hasa wanaume kutowanyanyasa wake zao hasa kipindi cha mavuno ambapo amesema kuwa wanaume wengi wakivuna mpunga wanakuwa wakali kitu ambacho kinasababisha mpunga kuisha bila mwanamke kujua na kuleta mfalakano ndani ya nyumba.
Mkuuwa wilaya hakusita kuwaomba wananchi wa wilayani Kyela na Nchini kwa ujumla kushiriki kwa amani katika zoezi lijalo la Uchaguzio mkuu Tanzania kwa kutimiza wajibu wao na kufuata na kutii sheria za uchaguzi...Amesisitiza sana wajibu wa wananchi katika kuilinda amani yao.... 

Mwandishi ;Aidan Mwasampeta 0757337870
Mhariri; Martin Emanuel 0769858521

BOFYA HAPA KUSOMA ZAIDI HABARI HII

KUELEKEA UCHAGUZI MKUU,SHIRIKA LA KARIBU TANZANIA,UNDP,FEMA WAIOMBEA AMANI TANZANIA WILAYANI RUNGWE

Mkuu wa wilaya ya Rungwe Bi Zainab Mbuussi akiwavalisha vijana fulana zenye nembo ya FEMA

 Mkuu wa wilaya akiwa na baadhi ya watoto katika picha ya pamoja 

Mkuu wa wilaya ya Rungwe  akiwa meza kuu akifuatilia kwa makini matukio mbalimbali siku ya Tamasha la kuombea Amani 

Wachezaji wa ngoma ya asili ya kinyakyusa maarufu LING'OMA wakitumbuiza siku ya Tamasha

Wanafunzi wa Shule ya Sekondari Tukuyu wakifikisha ujumbe kwa hadhira iliyohudhuria Tamasha hilo kwa njia ya sanaa ya Maigizo.

Vijana wakionyesha vipaji vyao kwa njia ya Sarakasi

Shirika la Karibu Tanzania likishirikiana na UNDP ana Fema waliandaa tamasha la kuombea amani kwa Taifa letu la Tanzania kuelekea Uchaguzi mkuu wa Rais ,Wabunge na Madiwani
Tamasha hilo lilifanyika tarehe 11.10.2015 siku ya jumapili katika chuo cha maendeleo ya wananchi Katumba kilichopo nje kidogo ya mji wa Rungwe ambapo mgeni rasmi wa tamasha hilio la kuhamasisha amani alikuwa mkuu wa wilaya ya Rungwe bi Zainabu Mbussi. Amewataka vijana kutotumika na wanasiasa kuvunja amani kwani bila amani hakuna maendeleo yatakayofanyika. 
Ameyasema hayo kwenye tamasha liloandaliwa na shirika hilo na kufadhiliwa na UNDP amesema kuwa lengo la tamasha hilo ni kuhamasisha amani ya Tanzania. 
Kwa upande wake mgeni rasmi huyo amewashukuru waandaaji wa tamasha hilo kwa kuichagua wilaya yake kufanyia tamasha hilo. 
Katika tamasha hilo kulikuwa na burudani mbali mbali kama vile maigizo, mziki na vingine vingi vya burudani katika vikundi hivyo vilionekana kumvutia mkuu wa wilaya na kumuagiza mkuu wa chuo hicho kumtafuta mwalimu wa sanaa ili kuzalisha wasanii na waigizaji watakaoitangaza wilaya ya Rungwe.

Mwandishi ;Aidan Mwasampeta 0757337870
Mhariri; Martin Emanuel 0769858521

BOFYA HAPA KUSOMA ZAIDI HABARI HII

BENKI YA CRDB TAWI LA KYELA YATOA MSAADA HOSPITALI YA WILAYA KYELA

 Meneja wa Benki ya CRDB Kyela Bwana Lugano Mwambaja akiwa amevalia fulana yenye ujumbe wa kauli mbiu ya Benki hiyo katika kuadhimisha siku ya wateja duniani...AHSANTE SANA

 Wafanyakazi mbalimbali wa Hospitali ya Wilaya Kyela wakiwasikiliza kwa makini wafanyakazi wa Benki ya CRDB Kyekla wakiongozwa na Meneja wao walipoiwakilisha benki ya CRDB katika kuadhimisha WIKI YA MTEJA DUNIANI..

 Wafanyakazi wa benki ya CRDB Kyela wakiwa wamebeba vitu mbalimbali kwa ajili ya msaada kwa wagonjwa  wakiwasili katika hospitali ya wilaya Kyela 

 Meneja wa Mikopo midogo na mikopo ya kati benki ya CRDB Kyela  Bi Akwilina Shirati akiwa ameongozana na mfanyakazi mwenzie walipokuwa wakiwasili hospitalini kutoa msaada wa Sabuni,Vyakula na Mashuka kwa wagonjwa

 Meneja wa benki ya CRDB tawi la Kyela Bwana Lugano Mwambaja akikabidhi msaada wa mashuka uliotolewa na Benki hiyo katika kuadhimisha WIKI YA  MTEJA DUNIANI kwa Muuguzi katika hospitali ya Wilaya Kyela.Picha ya pili akitandika shuka katika kitanda kimojawapo hospitalini hapo .

 Moja kati ya mashuka yaliyotolewa na kukabidhiwa na Benki ya CRDB katika kuonesha jinsi wanavyowajali wateja na wanajamii wanaowazunguka likiwa limetandikwa katika moja ya vitanda katika wodi za Hospitali ya wilaya ya Kyela

 Baadhi ya wafanyakazi wa benki ya CRDB Kyela wakiwa na baadhi ya Wateja wa benki hiyo walipokuwa katika maadhimisho ya WIKI YA MTEJA DUNIANI yenye kauli mbiu ya AHSANTE SANA katika ofisi za benki hiyo zilizopofanyikia sherehe hizo  
 Vinywaji na vitafunwa maalumu kwa ajili ya kuwashukuru wateja wa benki ya CRDB Kyela

 Meneja wa Benki ya CRDB katika tukio la kulishana keki  na wateja wa benki hiyo tawi la Kyela katika maadhimisho ya WIKI  YA MTEJA DUNIANI 

 Meneja was benki ya CRDB akimkabidhi zawadi ya saa ya ukutani  na fulana yenye ujumbe wa AHSANTE SANA mteja Bwana Charles Luhwavi katika sherehe zilzofanyika katika ofisi za crdb tawi la Kyela

 ******************************************************************************************************************************************************************

Katika kuadhimisha WIKI YA MTEJA DUNIANI jana tarehe 09.10.2015 Benki ya CRDB tawi la Kyela imefanya matukio mawili maalum ikiwa ni kutambua mchango wa wateja na wananchi wa wilaya katika ukuaji na ustawi wa benki hiyo wilayani Kyela ikiongozwa na kauli mbiu iliyobeba ujumbe wa shukrani yaani AHSANTE SANA
Tukio la kwanza lililofanyika mnamo majira ya asubuhi lilikuwa ni kukabidhi misaada mbalimbali kama Sukari , Sabuni,  na Mashuka kwa wagonjwa wa Hospitali ya Wilaya ya Kyela..

 Akikabidhi msaada huo meneja wa Benki ya CRDB tawi la Kyela Bwana Lugano Mwambaja amesema kuwa katika kusherekea WIKI YA WATEJA DUNIANI wao wameona ni vyema wasiwatenge wagonjwa waliolazwa katika hospitali ya wilaya ya Kyela kwa kuwakabidhi sukari,sabuni,na mashuka na benki hiyo inatambua na kuthamini mchango wao.
Bwana Mwambaja amesema kuwa benki hiyo imekuwa  ikisaidia mambo  mbalimbali ya kijamii kama vile ujenzi wa vyumba vya madarasa vya shule za msingi na sekondari na kusaidia pia madawati , misaada mbalimbali kwa watoto yatima na vitu vingine vingi vinavyoikumba jamii katika kile alichokiita kuthamini mchango wa jamii inayowazunguka katika ukuaji na ustawi kwa benki hiyo wilayani Kyela

Katika hatua nyingine baada ya kutoa msaada katika hospitali ya wilaya ya Kyela wakaendelea kusherekea siku kuu ya WIKI YA WATEJA DUNIANI  ailiyobebwa na kauli mbiu  AHSANTE SANA iliyofanyika   ndani ya jengo la ofisi za Benki hiyo kwa kuwapatia zawadi mbalimbali wateja wao kama vile vitenge, pochi za kiume na za kike,saa za ukutani na za mkononi na vitu vingine mbali mbali. 
Meneja wa biashara wa benki ya CRDB Bwana Misape Tindwa amesema kuwa wanatambua na kuuthamini mchango wa wateja wao ndio maana kila tukio wanashirikiana nao.
Meneja wa Biashara wa benki hiyo amewahamasisha wananchi wa wilaya hiyo kuja kupata huduma mbalimbali za kibenki katika benki hiyo kwa manufaa zaidi ya kiuchumi kama kufungua akaunti na kupata ushauri mbalimbali wa kitaalam
Pia meneja wa Mikopo midogomidogo na ya kati Bi Akwilina Shirati  amewakaribisha sana wananchi mbalimbali kuja kupatiwa  huduma za  Mikopo yenye riba na masharti  nafuu 

*****************************************************************************
Imeandikwa na; Puyol B Mwasampeta 0757337870
Imehaririwa na ; Martin Emanuel 0769858521

BOFYA HAPA KUSOMA ZAIDI HABARI HII